Post #24062

🛩👩‍⚕️Жамбылдық дәрігерлер баланың өмірін тікұшақпен жетіп сақтап қалды Жамбыл облысының Мойынқұм ауданында болған жол-көлік оқиғасы 2019 жылы туған баланы өлім аузында қалдырды. Уақытты жоғалтуға мүлде мүмкіндік болмады. Санитарлық авиация тікұшағы шұғыл түрде әуеге көтеріліп, Жамбыл облыстық көпбейінді балалар ауруханасының дәрігерлері оқиға орнына тікелей жетті. Әр секунд шешуші сәтке айналған жағдайда нейрохирург Мирдас Мурадов пен анестезиолог-реаниматолог Бахтияр Баялиев баланың өмірін сақтау үшін аса күрделі декомпрессионды трепанация (бас миын өлімге әкелуі мүмкін қысымнан құтқару үшін жасалатын аса ауыр, өмір сақтайтын) отаны аудандық аурухана деңгейінде сәтті орындады. Мұндай ота науқастың өміріне тікелей қауіп төнгенде ғана жасалады және ол дәрігерлер үшін ең жауапты, ең қиын шешімдердің бірі болып саналады. Бұл — ақ халатты абзал жандардың антына адалдығы, адам өмірін бәрінен биік қоятын нағыз ерлігі. Аталған операция нейрохирургиядағы ең жауапты оталардың бірі саналады. Баланың жағдайы тұрақталған соң, дәрігерлер консилиумының шешімімен ол санитарлық авиация арқылы реаниматолог-дәрігер Ербол Алимкулов пен фельдшердің қатаң бақылауымен Жамбыл облыстық көпбейінді балалар ауруханасына тікұшақпен аман жеткізілді. Қазіргі таңда балаға барлық қажетті медициналық көмек толық көлемде көрсетілуде. Қазақстан Республикасы Денсаулық сақтау министрлігінің баспасөз қызметі 🖥Ресми сайт gov.kz/memleket/entities/dsm 📱Facebook facebook.com/healthcare.gov.kz 📱Instagram https://instagram.com/healthcare.gov.kz