Post #24076

🔷⚜️ ДОНОРЛЫҚ АҒЗАЛАР ТРАНСПЛАНТАЦИЯСЫНАН КЕЙІНГІ ПАЦИЕНТТЕРДІҢ ОҚИҒАЛАРЫ Ұлттық ғылыми онкология орталығында донорлық ағзалар салынған науқастар үйлеріне шығуға дайындалып жатыр. 27 қаңтар күні Павлодардағы кардиоорталығында қайтыс болған донордан бірнеше ағза алу отасы жасалды. 39 жастағы әйел геморрагиялық инсультпен ауруханаға түскен. Дәрігерлер оның өмірі үшін барын салғанымен, ми өлімі тіркелді. Осындай ауыр сәтте науқастың отбасы өзгелердің өмірін өзгертетін шешім қабылдап, ағзаларын қайтыс болғаннан кейін донорлыққа беруге келісімін берді. Бұл шешім бірнеше адамның тағдырын өзгертіп, оларға жаңа өмір сыйлады. Донордың бауыры мен бір бүйрегі шұғыл түрде ҰҒОО-ға жеткізілді. Сол түні трансплантациялық команда реципиенттерге өмірлік маңызы бар оталарды сәтті жүргізді. Жұмысқа түрлі саланың дәрігерлерінен құралған мультидисциплинарлық топ жұмылдырылды. Отадан кейін екі апта өткен соң науқастардың жағдайы тұрақты, қалпына келу кезеңі сәтті өтуде. Олардың бірі үйіне шығуға дайындалып жатса енді бірі жақын күндері үйіне оралмақ. Самат Сүйеуов пен Әлішер Ырысбай ең қиын сәтте өзгелерге өмір сыйлаған донордың отбасына және осы игі істі жүзеге асырған ҰҒОО дәрігерлеріне шынайы алғыстарын білдіреді. Қазақстан Республикасы Денсаулық сақтау министрлігінің баспасөз қызметі 🖥Ресми сайт gov.kz/memleket/entities/dsm 📱Facebook facebook.com/healthcare.gov.kz 📱Instagram https://instagram.com/healthcare.gov.kz