Post #24142

⚡️ Халықаралық онкологиямен ауыратын балалар күніне арналған хабардар ету апталығы 🔷 Қазақстанда Халықаралық балалар обрымен күрес күніне арналған хабардарлық апталығы басталды. Іс-шаралар 2026 жылғы 21 ақпанға дейін жалғасады. 🔷 Акция шеңберінде еліміз бойынша балалар обырының мәселелері туралы хабардарлықты арттыруға, пациент балалардың отбасыларын қолдауға және қоғамның ынтымақтастығын нығайтуға бағытталған ауқымды ақпараттық науқан ұйымдастырылады. 🔷 Әкімдіктер мен Қазақстан Республикасы Денсаулық сақтау министрлігінің қолдауымен қалалардың орталық көшелерінде, LED-экрандарда, медиабордтарда және медициналық ұйымдарда арнайы бейнероликтер көрсетілуде. Онда ерте диагностиканың маңыздылығы, заманауи емдеу әдістері және осы дертпен күресіп жатқан балаларға әлеуметтік қолдау көрсету қажеттігіне ерекше назар аударылады. 🔷 Биылғы жылы акция: Астана, Атырау, Көкшетау, Талдықорған, Қызылорда, Қостанай, Түркістан, Орал, Петропавл, Павлодар, Абай, Алматы өңірлерінде қолдау тапты. 🔷 Акция ұйымдастырушылары — «Help Today» қоғамдық қоры, Әсел Байсейітова атындағы ABF қоры, «Педиатрия және балалар хирургиясы ғылыми орталығы» АҚ, «Қазақстан педиатрлар одағы» қоғамдық бірлестігі — барлық қазақстандықтарды осы бастаманы қолдауға және балалар мен олардың отбасыларына қолдау білдіруге шақырады. 🔴 Біз бірлесіп оларға салауатты болашаққа мүмкіндік бере аламыз! #ХабардарлықАпталығы#БалаларОбыры#15Ақпан#ҚазақстанОбырғаҚарсы Қазақстан Республикасы Денсаулық сақтау министрлігінің баспасөз қызметі 🖥Ресми сайт gov.kz/memleket/entities/dsm 📱Facebook facebook.com/healthcare.gov.kz 📱Instagram https://instagram.com/healthcare.gov.kz