Post #24246

🏥👩‍⚕️ҚЫЗЫЛОРДА ОБЛЫСЫНДА ЖЫЛ СОҢЫНА ДЕЙІН 300 ТӨСЕКТІК ЗАМАНАУИ КӨПБЕЙІНДІ АУРУХАНА АШЫЛАДЫ 🔴 Қызылорда облысына жұмыс сапары шеңберінде Денсаулық сақтау министрі Ақмарал Әлназарова ауысымына 100 адам қабылдайтын емханасы және онкологиялық бөлімшесі бар 300 төсектік көпбейінді аурухананың құрылыс алаңына барды. 🔷 Өңір тұрғындары үшін әлеуметтік маңызы бар нысан Мемлекет басшысының тапсырмасы бойынша салынуда. Жоба заманауи инженерлік шешімдерді енгізуді және аурухананы жаңа медициналық жабдықтармен жабдықтауды көздейді. ⚠ Көпбейінді аурухана халықаралық стандарттарға сәйкес келетін диагностика және емдеу саласында жоғары технологиялық медициналық қызметтерді енгізу бойынша флагманға айналады, бұл олардың сапасы мен өңір тұрғындары үшін қолжетімділігін айтарлықтай арттыруға мүмкіндік береді. ➡️ Кешен емхана, пансионат, конференц-зал, асхана, физиотерапия бөлімшесі, қабылдау бөлімшесі, әкімшілік блок, реанимация, химиотерапия және радиотерапия бөлімшелері, сондай-ақ операциялық блок сияқты 10 функционалдық блоктан тұрады. 💬 Сонымен қатар, Мемлекет басшысының тапсырмасына сәйкес еліміздің 12 өңірінде заманауи перинаталдық орталықтар салу көзделген. 💬 Сол күні Қызылордада 200 төсектік перинаталдық орталықтың іргетасын қалау рәсімі өтті, онда халықаралық тәжірибелер мен озық медициналық технологиялар енгізілетін болады. 🔷 Денсаулық сақтау министрлігі инфрақұрылымды жаңғырту және өңірде мамандандырылған медициналық көмек көрсетудің заманауи моделін қалыптастыру бойынша жүйелі жұмысты жалғастырады. Қазақстан Республикасы Денсаулық сақтау министрлігінің баспасөз қызметі 🖥Ресми сайт gov.kz/memleket/entities/dsm 📱Facebook facebook.com/healthcare.gov.kz 📱Instagram https://instagram.com/healthcare.gov.kz