Post #24492

ҚАЗАҚСТАНДА 2026 ЖЫЛДЫҢ БАСЫНАН БЕРІ ТУУ ДЕҢГЕЙІ АРТЫП, ӨЛІМ-ЖІТІМ АЙТАРЛЫҚТАЙ ТӨМЕНДЕП КЕЛЕДІ ⚜️ Қазақстанда медициналық-демографиялық көрсеткіштердің тұрақты жақсаруы жалғасуда. Ұлттық статистика бюросының мәліметтері бойынша 2026 жылдың қаңтар айында өткен жылдың осы кезеңімен салыстырғанда: • туу көрсеткіші 1,8%-ға артты (14,49-дан 14,75-ке дейін); • жалпы өлім 8,4%-ға төмендеді (6,2-ден 5,68-ге дейін); • нәресте өлімі 28,5%-ға азайды (6,66-дан 4,76-ға дейін). Сондай-ақ 2026 жылдың алғашқы екі айында ана өлімі 49,4%-ға төмендеп, 100 мың тірі туған балаға шаққанда 16,2-ден 8,2-ге дейін азайды. Негізгі себептер бойынша өлімнің: • қанайналым жүйесі ауруларынан — 13,9%-ға, оның ішінде: • жедел миокард инфарктынан — 6,5%-ға, • инсульттен — 7,8%-ға; • қатерлі ісіктерден — 7,4%-ға; • жазатайым оқиғалардан, жарақаттар мен уланулардан — 2,3%-ға; • тыныс алу жүйесі ауруларынан — 18,7%-ға тұрақты төмендеуі байқалады. 📍Қол жеткізілген нәтижелер денсаулық сақтау жүйесін дамыту, профилактикалық бағдарламаларды кеңейту, медициналық көмектің қолжетімділігін арттыру, сондай-ақ заманауи диагностика және емдеу әдістерін енгізу бойынша жүргізіліп жатқан жүйелі жұмыстың нәтижесі болып табылатынын айта кету қажет.