Post #24548

🌱 РАЦИОНДАҒЫ ҚАНТТЫ АЗАЙТУ БОЙЫНША ҰСЫНЫМДАР 🔹 Тәтті сусындарды тұтынуды шектеңіз (0,5 литрлік бөтелкеде шамамен 10 шай қасық қант болады). 🔹 Нектарлар мен шырын сусындарының орнына табиғи шырындарды таңдаңыз, бірақ шырындардың құрамында да табиғи қант бар екенін ұмытпаңыз. Күніне 1–2 стақаннан артық ішпеу ұсынылады. Ең пайдалы сусын – таза ауыз су. 🔹 Тәтті тіскебасарлардан бас тартыңыз. Олардың орнына жемістер, жидектер, жаңғақтар мен дәндерді таңдаңыз. Кептірілген жемістер мен жидектердің қант қосылмаған түрін таңдаңыз, бірақ оларды да аптасына 2–3 порциядан (1 порция – 20 грамм немесе шамамен 2 ас қасық) артық тұтынбаңыз. 🔹 Тәтті йогурттар мен сүзбелі кремдердің орнына қоспасыз йогурт пен сүзбені таңдаңыз, оларды өз қалауыңызша, мысалы, жидектермен дәмдеңіз. 🔹 Тәттіні құнарлы өнімдермен бірге тұтыныңыз. Мысалы, кондитерлік өнімдерді дайындағанда тұтас дәнді ұнды қолданыңыз, оған сұлы үлпектерін, жаңғақтарды, дәндерді, жемістер мен көкөністерді қосыңыз (сонымен қатар қант мөлшерін азайтуға тырысыңыз). 🔹 Кейбір адамдар үшін қанттан бірден толық бас тарту оңайырақ болуы мүмкін. Алғашқы апта – ең қиын кезең, кейін дәм сезу қабілеті аз қант мөлшеріне бейімделетіні байқалады. 🔹 Қантты шамадан тыс тұтыну семіздікке, қант диабетіне, жүрек-қан тамырлары ауруларына және зат алмасудың бұзылуына әкелетінін есте сақтаңыз.