Post #24629

АЛМАТЫДА ПАТРОНАЖДЫҢ ӘМБЕБАП-ПРОГРЕССИВТІ МОДЕЛІН ЕНГІЗУДІҢ ОЗЫҚ ТӘЖІРИБЕСІ ТАНЫСТЫРЫЛДЫ 🌱 Алматы қаласында Еуропа және Орталық Азия елдері бойынша ЮНИСЕФ өңірлік офисінің және Қазақстан Республикасы Денсаулық сақтау министрлігінің бірлесуімен ұйымдастырылған «Бағалаудан әрекетке» атты патронаж қызметі жүйелерін нығайту жөніндегі субөңірлік кеңес өтті. 🤝 Кеңестің мақсаты – ерте шақтағы балалардың денсаулығын, дамуын және әл-ауқатын қамтамасыз ететін медициналық-санитариялық алғашқы көмектің маңызды құрамдас бөлігі болып табылатын үйде патронаждық қызмет көрсету жүйелерін нығайту және тұрақты дамыту бойынша шараларды талқылау және әзірлеу болды. Балалары бар отбасылардағы медициналық-әлеуметтік қауіптерді анықтау үшін елімізде патронаждың әмбебап-прогрессивті моделі бойынша 4 мың мейіргер жұмыс істейді. 🙌 ЮНИСЕФ-тің техникалық қолдауының арқасында 36 жаттықтырушы даярланып, 2,5 мың мейіргер оқытылды, патронаждық мейіргер үшін жеке штат бірлігі бөлінді. GPS-навигация және фотофиксация мүмкіндігі бар патронаж есебі цифрландырылып, қызметтің есептік нысандарын цифрландыру жұмыстары жалғасуда. 🔹 Нәтижесінде патронаждық бақылаумен қамту және оның сапасы жақсарды, бұл ведомствоаралық өзара іс-қимылдың 36%-ға артуына, үй жағдайындағы өлімнің 22%-ға төмендеуіне және балалардың стационарларға кеш жатқызылуының 5%-ға азаюына ықпал етті. ⭐️ Қатысушылар патронаждың әмбебап-прогрессивті моделін енгізу тәжірибесін ұсынып, алынған сабақтармен бөлісті және ЮНИСЕФ-тің бірыңғай әдіснамасы бойынша жүргізілген патронаж қызметі жүйелерін бағалау нәтижелерін талдады. Тәжірибе алмасуға және нақты елдік іс-қимыл жоспарларын әзірлеуге ерекше назар аударылды. 🤝 Қазақстанның практикалық тәжірибесімен танысу мақсатында қатысушылар Алматы қаласындағы №36 емханаға барып, ерте шақтағы балаларға арналған қызметтердің толық спектрімен танысты: патронаж мейіргерлерінің жұмысы, ерте даму және араласу орталығы, педиатрлардың кеңестері, сондай-ақ баланың денсаулығы мен дамуына қатысты мәселелер немесе қауіптер анықталған жағдайда қосылатын мультидисциплинарлық командалардың қызметі көрсетілді. 📌 Іс-шараға Ана мен бала денсаулығын сақтау департаментінің директоры Ембергенова Мағрипа Хамитқызы, ДДҰ-ның медициналық-санитариялық алғашқы көмек жөніндегі Еуропалық орталығының басшысы Мелитта Якаб ханым, ЮНИСЕФ-тің Еуропа және Орталық Азия елдері бойынша өңірлік офисінің денсаулық сақтау жөніндегі өңірлік кеңесшісі Габриэле Фонтана мырза, сондай-ақ Орталық Азия елдерінің – Қазақстан, Қырғызстан, Тәжікстан, Өзбекстан және Түрікменстан денсаулық сақтау министрліктерінің өкілдері, ЮНИСЕФ мамандары және ана мен бала денсаулығын қорғау саласындағы ұлттық сарапшылар қатысты. ⚡️ Қазақстанда балалардың денсаулығы мемлекеттік саясаттың негізгі басымдықтарының бірі болып табылады. Қазақстан Республикасы Денсаулық сақтау министрлігінің баспасөз қызметі 🖥 Ресми сайт gov.kz/memleket/entities/dsm 📱 Facebook facebook.com/healthcare.gov.kz 📱 Instagram https://instagram.com/healthcare.gov.kz