Post #24639

ЖАҢҒЫРТУ БАҒДАРЛАМАСЫ ШЕҢБЕРІНДЕ КӨКШЕТАУ ҚАЛАСЫНДАҒЫ ОБЛЫСТЫҚ АУРУХАНАДА ЖАҢА БЕЙІНДІ БӨЛІМШЕЛЕР АШЫЛДЫ ⚡️ Көкшетау қаласындағы көпбейінді облыстық ауруханада Денсаулық сақтау министрлігінің Облыстық медициналық ұйымдарды жаңғырту жөніндегі жол картасын іске асыру шеңберінде гематология және ревматология бөлімшелері ашылуда. Аталған бейіндер бойынша мамандандырылған көмек бұрын облыс тұрғындары үшін қолжетімсіз болған. 🌱 Онкология орталығының базасында орналасқан гематология бөлімшесі қан ауруларымен, соның ішінде лейкоздар, лимфомалар, анемиялар және қан ұю жүйесінің бұзылыстары бар пациенттерге толық көлемде көмек көрсететін облыстағы жалғыз бейінді бөлімше болады. 📌 Мұнда жоғары дозалы химиотерапия және заманауи емдеу әдістері, соның ішінде таргеттік терапия жүргізіледі. Бұл пациенттерді басқа өңірлер мен қалаларға жібермей-ақ, заманауи клиникалық стандарттар деңгейінде емдеуге мүмкіндік береді. 🔹 №2 терапиялық бөлімшенің базасында ұйымдастырылған ревматология бөлімшесі тірек-қимыл аппараты ауруларын және ревматоидты артрит, жүйелі қызыл жегі, анкилоздаушы спондилит сияқты аутоиммундық жүйелік патологияларды диагностикалаумен және емдеумен айналысады. ⚜️ Бөлімшеде заманауи гендік-инженерлік және биологиялық терапия әдістері қолданылатын болады, бұл емдеу тиімділігін арттырып, пациенттердің өмір сүру сапасын жақсартады. «Бұл бөлімшелердің ашылуы өңірдегі жүйелі мәселені шешуге мүмкіндік берді – бұған дейін қан аурулары мен аутоиммундық патологиялары бар пациенттер облыстан тыс жерлерге шығуға немесе бейінді емес жағдайларда ем алуға мәжбүр болатын», – деп атап өтті Ақмола облысы әкімінің орынбасары Алтынай Амренова. ✅ Жаңа бөлімшелердің меңгерушілері облыстың штаттан тыс бас мамандарының функцияларын да атқарып, бейінді қызметтердің жұмысын үйлестіріп, медициналық көмектің сапасын бақылауды қамтамасыз етеді. Бұл пациенттерді қадағалаудың бірыңғай жүйесін қалыптастырып, өңірдегі мамандандырылған медициналық көмекті нығайтуға ықпал етеді. Қазақстан Республикасы Денсаулық сақтау министрлігінің баспасөз қызметі 🖥 Ресми сайт gov.kz/memleket/entities/dsm 📱 Facebook facebook.com/healthcare.gov.kz 📱 Instagram https://instagram.com/healthcare.gov.kz