Post #349

ALEKSANDRA MIXAYLOVNA KOLLONTAI - SOVET ITTIFOQINING BIRINCHI AYOL-ELCHISI VA TARIXDAGI BIRINCHI AYOL-VAZIR #Aleksandra#Mixaylovna#Kollontai - rus inqilobchisi, Sovet davlat arbobi va diplomat. SSSRning yagona ayol favqulodda va muxtor elchisi. 1917-1918 yillarda u birinchi Sovet hukumatida davlat xayriyasining (ijtimoiy ta'minotining) xalq komissari bo'lgani uni tarixdagi birinchi ayol vazirga aylantardi. Aleksandra, ba'zida do'stona kechki ovqat paytida, erkaklar haddan tashqari qimmat badal bilan va ko'pincha jang maydonlarida muvaffaqiyatsiz erishishga harakat qilgan narsalarga erishardi. U go'zal ayol aqlli bo'la olmaydi, aqlli ayol esa go'zal bo'la olmaydi degan keng tarqalgan fikrlarni chilparchin qildi. 🔹 1917-yil 31-dekabrda uning imzosi bilan onalar va chaqaloqlarni himoya qilish to'g'risida farmon chiqadi. Rossiya tarixida birinchi marta Xalq Komissarining tashabbusi bilan davlat buni o'z vazifasi deb biladi. Uning ishtirokida farmonlar loyihalari tayyorlandi - ajralish, fuqarolik nikohi va tug'ruq ta'tillari to'g'risidagi qonunlar. Ijtimoiy ta'lim g'oyasini bo'lsa, u yaratilgan bolalar bog'chalari va muassasarida mujassam etadi. 🔹1930-1945 yillarda Kollontai Shvetsiyadagi elchi (doimiy vakil) bo'lib ishlagan (bundan tashqari, u Sovet Ittifoqining Millatlar Ligasidagi delegatsiyasi tarkibiga kirgan). Sovet Ittifoqining Shvetsiyadagi yangi elchisi sifatida uning oldida turgan eng muhim vazifalardan biri bu Gitler diktatorligi ostidagi Germaniyaning Skandinaviyadagi ta'sirini zararsizlantirish edi. "Qishki" Sovet-Finlyandiya urushi paytida Buyuk Britaniya tomonidan qo'llab-quvvatlangan Shvetsiya ikki batalyon ko'ngillilarni Finlyandiyaga yubordi va SSSRga qarshi urushga ochiq kirish arafasida turganida, Kollontai shvedlarga o'z pozitsiyalarini yumshatishga va Sovet-Finlyandiya muzokaralarida vositachilik qilishga erishdi. 1944-yilda Shvetsiyadagi Favqulodda va muxtor elchi unvoniga ega bo'lgan holda, u yana Finlyandiyani urushdan chiqish to'g'risidagi muzokaralarda vositachi rolini o'z zimmasiga oldi va muvaffaqiyatga erishdi. 🗣Hayotining oxirida Aleksandra Mixaylovna o'zining kundaligida o'ziga savol berib qo'ydi: "Men eng muhimi nimadan nafratlanaman?" Va keyin unga javob berdi: "Ikkiyuzlamachilik va qo'pollik, shafqatsizlik va har qanday adolatsizlik, inson qadr-qimmatini kamsitish". 💙 Uning hayoti davomida u haqida afsonalar yaratilgan, dostonlar bitilgan. Taniqli siyosatchi sifatida u butun hayoti davomida bir vaqtning o'zida shunchaki ayol bo'lib qoldi. Bizga obuna bo'ling 👉@Diplomatika