Post #91868

ИНВEСТИЦИЯ УЧУН ЯХШИ ЗАҲИРА! ⚡️Ўзбекистонда 100 минг сўмлик тилла ва кумуш тангалар сотувга чиқарилди Марказий банк Соҳибқирон Амир Темур таваллудининг 690-йиллиги муносабати билан махсус эсдалик тангаларини муомалага чиқармоқда. Маълум қилинишича, эсдалик тангалари 31,1 грамм оғирликдаги соф олтин ва кумушдан тайёрланган бўлиб, уларнинг асиллик даражаси 999,9 ни ташкил этади. Ҳар бир танга техник хусусиятларини тасдиқловчи махсус сертификат билан сотувга чиқарилади. Эсдалик тангаларнинг олд томонида Амир Темур портрети, Тошкент ва Самарқанд шаҳарларидаги Соҳибқирон ҳайкаллари, шунингдек Оқсарой ва Амир Темур мақбараси тасвирланган. Танга ҳошиясида “АМИР ТEМУР ТАВАЛЛУДИНИНГ 690 ЙИЛЛИГИ“ ёзуви ҳамда Соҳибқирон яшаган йиллар — 1336–1405 санаси келтирилган. Тангаларнинг орқа томонида Ўзбекистон Республикаси Давлат герби, номинал қиймати — 100 000 сўм, шунингдек “ЎЗБEКИСТОН РEСПУБЛИКАСИ МАРКАЗИЙ БАНКИ“ ёзуви акс эттирилган. Пастки қисмида тангалар зарб этилган йил — 2026-йил кўрсатилган. Шу билан бирга, танганинг чап қисмида металл турини англатувчи АУ (олтин) ёки АГ (кумуш) белгиси, ўнг томонида эса унинг оғирлиги — 31,1 грамм кўрсатилган. Шунингдек, тангаларнинг айрим намунасида Амир Темур портрети билан бирга Оқсарой ва Амир Темур мақбараси тасвирлари жойлаштирилган бўлиб, орқа томонида “Темур тузуклари“дан ҳикматли сўзлар келтирилган. Танга ҳошиясида “ЎЗБEКИСТОН РEСПУБЛИКАСИ МАРКАЗИЙ БАНКИ“ ёзуви ва пастки қисмида Амир Темур байроғидаги уч ҳалқа белгиси акс эттирилган. Обуна бўлинг 👉@PATRUL_UZ