Post #92501

⚡️Вазирга эътироз билдирган ўқитувчи аттестациядан ўтди 18 апрель куни мактабгача ва мактаб таълими вазири Эъзоза Каримова Тошкент шаҳридаги аттестация жараёнларини кўздан кечириш учун тест ўтказилаётган манзилга борганди. Шу жараёнда аттестация тизимидан норози бўлган бир гуруҳ ўқитувчилар вазир билан мулоқот қилиб, ўз эътироз ва таклифларини билдирган. Ўқитувчилар тестларнинг мураккаблиги, ажратилган вақт етишмаслиги каби масалаларни кўтарган, ҳатто вазирни ҳам тест топширишга таклиф қилишган. Уларнинг фикрича, аттестация натижалари ўқитувчиларнинг обрўсига ҳам таъсир кўрсатмоқда. Кейинчалик хабар қилинишича, ўша мулоқотда иштирок этган ўқитувчилардан бири Вазира Алматова 68 балл тўплаб, иккинчи тоифани қўлга киритган. У ҳозир Тошкент вилояти, Пискент туманидаги 40-сонли умумтаълим мактабида фаолият юритади. Вазирнинг жараёнларни жойида ўрганишга ҳаракат қилаётгани, ўқитувчилар фикрини тинглаш ва уларни қўллаб-қувватлашга эътибор қаратаётганини эътироф этиш керак. Ишқилиб, бундай саъй-ҳаракатлар бардавом ва самарали бўлсин. Обуна бўлинг 👉@PATRUL_UZ