Post #4671

Hakimiyyətə yaxın mediada tez-tez dəniz sahilindəki qanunsuz hasarların sökülməsi ilə bağlı xəbərlər yayılır. Lakin bu xəbərlər, əslində, real problemləri həll etməkdən daha çox, ictimaiyyətdə görüntü yaratmağa xidmət edir. Əksər hallarda həmin hasarlara toxunulmur və vəziyyət olduğu kimi qalır. Sanki sadəcə xalqın gözünü boyamaq üçün müəyyən addımlar atılır. Bu vəziyyət korrupsiya ilə mübarizə iddiaları ilə də paralel aparıla bilər. Bəzi məmurlar saxlanılır, yüngül cəzalar alır və bu, böyük bir mübarizə kimi təqdim edilir. Amma gerçəkdə ciddi dəyişiklik baş vermir, hər şey əvvəlki kimi davam edir. Sadəcə ictimaiyyətdə mübarizə görüntüsü yaradılır. Əsas problem hakimiyyətin dəyişməzliyidir. Nə qədər ki, bu hakimiyyət yerindədir, real islahatlar və inkişaf mümkün deyil. Ölkədə demokratik institutlar qurulmadığı, idarəetmədə şəffaflıq və hesabatlılıq təmin olunmadığı müddətdə korrupsiya və məmur özbaşınalığı ilə mübarizə nəticəsiz qalacaq. Bu, təkrarlanan bir dövrədir – problemlər həll olunmur, yalnız ötəri addımlarla gündəm dəyişdirilir. Bu dövrədən çıxış yalnız fundamental dəyişikliklərlə mümkündür.