Post #4778

Türkel Azərtürk uzun fasilədən sonra öz kanalında yeni bir video yayımlayıb. Video çox aktualdır və düşündürməyə vadar edir. Oradan bir fikri bölüşmək istəyirəm: "Bizim jurnalistikanın, vətəndaş cəmiyyətinin ən böyük bəlası ağlı kəsən mövzular üçün maliyyə axtarmaq yox, maliyyələşən mövzuların ardınca sürünməsi olub." Türkel həm də vurğulayır ki, Azərbaycanda bəzi vətəndaş cəmiyyəti nümayəndələri ölkədə guya ermənilərə qarşı etnik təmizləmə aparıldığını iddia edirlər. Bununla bağlı isə o, maraqlı bir sual verir: "Təsəvvür edin ki, Ermənistanda hansısa erməni vətəndaş cəmiyyəti nümayəndəsi həqiqətləri deyərək azərbaycanlılara qarşı aparılan etnik təmizləmədən danışır. Belə bir insan Ermənistanda necə qəbul edilərdi?"