Post #4900

"Yazma, ermənilər görər" Siz də yəqin ki, sosial şəbəkələrdə bu cür ifadələrlə tez-tez rastlaşırsınız. Müharibədən əvvəl bəzi hallarda bunda hansısa məna tapmaq olardısa, indi belə şeylərlə qarşılaşanda elə bil insan başına qaynar su tökürlər. Faciə ondadır ki, ermənilər Azərbaycanın problemləri haqqında azərbaycanlıların özlərindən daha çox məlumatlı olurlar. Məsələn, 2 gün əvvəl daha iki jurnalist həbs ediləndə şəxsən müşahidə etdim ki, bizimkilər bu barədə erməni mənbələrindən xəbər tuturdular. İnsanlar öz xalqının problemlərini işıqlandırır və buna görə həbs olunur, amma bəzilərin fikirləri elə ermənilərdədir və bütün xəbərləri ermənilərdən öyrənirlər. Özünü nə qədər alçaltmalısan ki, guya heç nə bilməyən düşmənlərdən çəkinərək ölkəndəki vəziyyəti müzakirə etməyə qorxasan, amma axırda isə xəbəri onlardan eşidirsən? Axmaq olmayın, onlar hər şeyi sizdən yaxşı bilirlər. Buyurun, sizə daha bir xəbər. Polad Bülbüloğlunun 80 illik yubileyinin qeyd olunmasına ölkə büdcəsindən təxminən 197 min manat ayrılıb. Bu xəbəri görən çox olub? Yox əlbəttə. Hətta görənlər üçün də bunda artıq qeyri-adi heç nə yoxdur. "Axı bu, milyardlar, hətta milyonlar da deyil. Amma korrupsiya şəbəkəsi məhz belə kiçik detallardan da ibarətdir. Bizə isə təlqin edirlər ki, Ermənistandan gələn xəbərlər daha vacibdir.