Post #5116

Bayram Məmmədovun faciəli şəkildə həyatını itirməsindən dörd il ötür. Dünən jurnalist Əfqan Muxtarlı Almaniyada Azərbaycan və Türkiyə səfirliklərinin qarşısında aksiya keçirərək Bayramı yad edib. 2 il əvvəl Türkiyədə keçirilən seçkilərdə müxalifətin qələbəsini həm də Bayramın müəmmalı ölümünün hərtərəfli araşdırılması baxımından ümidverici bir dönüş nöqtəsi kimi görürdüm. Təəssüf ki, hakimiyyət dəyişmədi və heç bir yeni araşdırmaya ümüd qalmadı. Bu mövzuya dəfələrlə toxunmuşam: belə təsadüfi ölümlər heç də nadir deyil, amma biz Əliyev rejimini çox yaxşı tanıyırıq — onun qəddarlığı, Vidadi İsgəndərlinin qətlə yetirilməsi ilə bir daha özünü göstərdi. Bayram Məmmədovdan da rejimin qisas almaq istəyi olmaya bilməzdi. O, Əliyev sülaləsinin müqəddəs saydığı simvolu açıq şəkildə aşağılamaqla rejimin qırmızı xəttini keçmişdi. Azərbaycan cəmiyyəti Bayram Məmmədovun adını unutmağa haqqı yoxdur, onun xatirəsi əbədi yaşadılmalıdır. Bayram gələcək naminə gəncliyini fəda etmiş, xalqını ürəkdən sevən bir inqilabçı idi.