Post #5141

İTV-nin reportajında deyilir ki, azərbaycanlıların vəsaitlərinin ən azı yarısı ərzağa gedir. Bu reportajı Bakının əldəqayırma icra başçısı Eldar Əzizova göstərmək lazımdır. O axı deyirdi ki, Azərbaycanda həyat səviyyəsi o qədər yüksəkdir ki, Fransayla müqayisə edilə bilər. Halbuki, fransızlar vəsaitlərinin yalnız təxminən 12% ərzağa xərcləyirlər və bu rəqəm evdən kənar yeməkləri də əhatə edir. Kim bilir, bəlkə Əzizov canablarının yüksək həyat səviyyəsinin özünəməxsus xüsusi standartları var və həmin standartlar əsasında vəsaitlərin böyük hissəsinin ərzaq və dərmanlara xərclənməsi normal sayılır?