Post #5319

Azərbaycanda maaşların digər ölkələrlə müqayisəsi dəfələrlə aparılsa da, bu məsələyə dərindən baxdıqda insanda yaranan qəzəbi və məyusluğu sözlə ifadə etmək çətindir. Bugün, Bakı da daxil olmaqla, 500 dollar (təxminən 850 manat) maaş cəmiyyətin böyük bir hissəsi tərəfindən "normal" və ya "qənaətbəxş" hesab olunur. Bir çox şirkətlərin əmək müqavilələrinə nəzər yetirdikdə də, bu məbləğin orta maaş olduğu görünür. Ancaq bu rəqəm, kontinental Avropanın ən kasıb dövləti olan Kosovodakı orta maaşdan da aşağıdır. Ermənistandakı əməkhaqqı səviyyəsi ilə müqayisədə isə, fərq daha da kəskindir. Üstəlik, Azərbaycanda minlərlə insan — istər gənclər, istər orta yaşlılar — ayda cəmi 250 dollara və ya ondan da az maaşla yaşamağa məcburdur. Neft və qaz kimi strateji təbii sərvətlərə malik bir ölkədə belə bir vəziyyət sadəcə yoxsulluq göstəricisi deyil — bu, vətəndaşların həyat şəraitinin nə qədər acınacaqlı və perspektivsiz olduğunu açıq göstərir. Bu, Əliyev rejiminin illərlə ölkədə apardığı yaramaz siyasətin nəticəsidir: alçaldıcı və çıxış yolu görünməyən bir vəziyyət. Bir tərəfdən, Azərbaycan Ermənistan üzərində hərbi qələbə qazanıb, işğal olunmuş ərazilərini geri alıb, amma digər tərəfdən, iqtisadi göstəricilərdə Ermənistandan geri qalır. Bu isə hər bir azərbaycanlı üçün dözülməz və izaholunmaz bir rüsvayçılıqdır. Və bu rüsvayçılığa heç bir bəraət ola bilməz.