Post #257

Toshkent binolaridagi mozaikalar madaniy meros ob'ektlari sifatida tan olindi Ajoyib yakshanba kuni biz yaxshi yangiliklarni baham ko'rmoqchimiz. Joriy haftada O‘zbekiston Vazirlar Mahkamasining qarori qabul qilindi. Unga ko‘ra, Toshkent shahri va mamlakatimiz viloyatlaridagi160 ga yaqin mozaik pannolar monumental san’at yodgorliklari sifatida Moddiy madaniy merosning ko‘chmas mulk obyektlari milliy ro‘yxatiga kiritildi. Bu qadam bizning atrofimizdagi zamonaviy san’atning ajoyib namunalarini har tomonlama o‘rganish, asrab-avaylash va o’rnini oshirish bo’yicha chora-tadbirlarini kuchaytirishga qaratilgan. Toshkentdagi turar-joy binolarida mozaikalar 1966-yil 26-aprelda yuz bergan zilziladan keyin paydo boʻla boshladi. Infratuzilmani tiklash uchun barcha ittifoq respublikalaridan hunarmandlar shaharga kelishgan. Bu ustalar orasida Pyotr, Nikolay va Aleksandr Jarskiylar - Toshkent turar-joy binolarini dekorativ loyihalash an'analariga asos solgan rassomlar bor edi. Ilg‘or gidlar va sayyohlik blogerlarining fikriga ko‘ra, Toshkent mozaika mavzularining xilma-xilligi bilan hayratga soladi: ular rang-barang geometrik jismlar yoki turli qahramonlar va hayot sahnalarini tasvirlashi mumkin. Zamonaviy binolarning milliy uslubda bunday o'zaro uyg’unlashishi mamlakat aholisi va mehmonlariga kundalik narsalarga "yangi" burchakdan qarash imkoniyatini beradi. Arxitektura inshootlarida mozaik pannolarni saqlab qolish shaharga o'ziga xos jozibadorlikni bag'ishlaydi. Ilgari oddiy va e'tiborga olinmagan narsa endi shaharning o'ziga xos "jozibador elementi" ga aylanib, tobora ko'proq e'tiborni tortmoqda.