Post #1546

А.Мерғалиев Мемлекеттік айыптаушылардың халықаралық форумында сөз сөйледі ◾️ Жоғарғы Сот Төрағасы Асламбек Мерғалиев Түркістан қаласында өтіп жатқан Мемлекеттік айыптаушылардың халықаралық форумына онлайн режімінде қатысып, қатысушыларға ілтипатын білдірді. ◾️ Сондай-ақ, Бас Прокурор Берік Асылов, Президент көмекшісі Ержан Жиенбаев және Астанадағы ЕҚЫҰ Бағдарламалар офисінің Экономика және экология бөлімінің меңгерушісі Муршудлу Нураддин сөз сөйледі. ◾️ А.Мерғалиев өз сөзінде қылмыстық сот ісін жүргізудегі мемлекеттік айыптаушының маңызды рөліне және сот жүйесінің тұрақты дамуына, заң үстемдігін нығайтуға, «Заң және тәртіп» қағидатын жүзеге асыруға бағытталған жүргізіліп жатқан құқықтық реформаларға тоқталды. ◾️ Баяндамашы жаңғыртудың негізгі бағыттары: сот төрелігінің сапасы мен қолжетімділігін арттыруға, сот билігінің тәуелсіздігін нығайтуға, қылмыстық процесте жарыспалылықты дамытуға тоқталды. Бұл шаралар азаматтардың құқықтары мен заңды мүдделеріне негізделген неғұрлым әділ және теңгерімді жүйені құруға ықпал етті. ◾️ Жоғарғы Сот Төрағасы сот төрелігіне қолжетімділікті кеңейту, сот қателерін азайту, біркелкі практиканы қамтамасыз ету және азаматтардың бұзылған құқықтарын қалпына келтіру бойынша қол жеткізілген жетістіктерді атап өтті. ◾️ Екі күн бойы форумға қатысушылар адам құқықтарын қорғаудың өзекті мәселелерін талқылап, тәжірибе алмасты және практикалық шешімдерді талқылады. Цифрландыру мен IT-ны құқықтық салаға енгізу мәселелеріне ерекше көңіл бөлінді. ◾️ Форумға Қазақстан, Венгрия, Әзербайжан, Қырғызстан, Түркия, Түрікменстан, Өзбекстан және басқа елдердің прокуратура өкілдері қатысты.