Post #1567

Сот төрелігі және заманауи сын-қатерлер: жеке өмір мен сөз бостандығыарасындағы теңгерімді табу ◾️ Жоғарғы Сот ЕҚЫҰ және Құқықтық медиа орталығымен бірлесіп «Жеке өмір мен сөз бостандығы арасындағы теңгерім» тақырыбында семинар өткізді. ◾️ Іс-шараға жоғары сот органының және кассациялық соттардың (офлайн), жергілікті соттардың (онлайн) судьялары, Сот әкімшілігінің қызметкерлері қатысты. ◾️ Жоғарғы Соттың азаматтық істер жөніндегі сот алқасы төрағасының міндетін атқарушы Баян Тоқтарова мен Астанадағы ЕҚЫҰ Бағдарламалар офисі Әскери-саяси өлшемдер департаменті басшысының міндетін атқарушы Әсел Қаратаева қатысушыларға арнап құттықтау сөз сөйледі. Олар Қазақстанда жүргізіліп жатқан сот жүйесінің тиімділігін, ашықтығы мен тәуелсіздігін арттыруға, сондай-ақ оның халықаралық стандарттарға сәйкестігіне және әрбір адамның құқығынқорғауға баса назар аударуға бағытталған сот реформаларының маңыздылығын атап өтті. ◾️ Технологиялық қарқынды даму жағдайында сөз бостандығы мен жеке өмірге қол сұғылмаушылық құқығын теңгерімдеу мәселесі өзекті болып отырғаны атап өтілді. ◾️ Тренингті Адам құқықтары жөніндегі Еуропалық соттың судьясы, заң ғылымдарының докторы Латиф Гусейнов жүргізді. Ол жеке өмірге қол сұғылмаушылық құқығы мен сөз бостандығы арасындағы кикілжіңді шешу бойынша АҚЕС тәсілдерін таныстырды және цифрлық кеңістікте туындайтын заманауи сын-қатерлерді, соның ішінде интернеттегі, әлеуметтік желілердегі жарияланымдарды, осы салаларды құқықтық реттеуді және ұмытылу құқығын талқылады. ◾️ Семинарға қатысушылар алған білімдерінің практикалық құндылығын атап өтіп, алынған дағдылар кәсіби қызметінде пайдалы болатынына сенім білдірді.