Post #1593

Жас судьялар кеңесі жұмысын қорытындылады ▫️ Әскери соттың Жас судьялар кеңесі ағымдағы жылдағы қызметінің қорытындыларын шығарды. ▫️ Іс - шараға Әскери соттың судьялары қатысты. Кеңес төрағасы судья Сакен Тлегенов пен Акмола гарнизоны әскери сотының судьясы Гүлнар Есбергенованың баяндамалары тыңдалды. ▫️ Баяндамада өткен кезеңде Кеңес жас судьялардың кәсіби деңгейін арттыруға, судья әдебін сақтау мәдениетін қалыптастыруға және сот қызметін сапалы ұйымдастыруға бағытталған бірқатар жүйелі іс-шараларды жүзеге асырылғанын айтты. ▫️ Жыл бойы Әскери соттың Оқу орталығының қолдауымен семинар сабақтары, тренингтер, тәжірибе алмасу кездесулері өткізілді. Жас судьялар үшін сот процесін жүргізу, сот актілерін даярлау, тәртіптік жауапкершілік негіздері және моральдық-психологиялық тұрақтылық тақырыптары бойынша оқыту ұйымдастырылды. ▫️ Сонымен қатар көрнекі сот отырыстары өткізіліп, оған әскери қызметшілер мен заң саласында білім алып жатқан студенттер қатысты. Бұл шаралар сот қызметінің ашықтығын арттыруға және құқықтық мәдениетті нығайтуға ықпал етті. ▫️ «Заң және тәртіп» идеологиясын ілгерілету аясында жас судьялар халық пен әскери қызметшілерге арналған ашық сот процестерін өткізді, ағартушылық бағыттағы мақалалар жариялады және дөңгелек үстелдер ұйымдастырды. ▫️ Қорытындылай келе, Жас судьялар кеңесі есепті кезеңде қойылған міндеттерді орындап, жас судьялардың кәсіби қалыптасуына және Әскери соттардың оң имиджін нығайтуға өз үлесін қосты. 🌐https://t.me/askeri_sottar