Post #1674

Құқықтық статистика және арнайы есепке алу жөніндегі мәселелер бойынша дөңгелек үстел ▫Қазақстан Республикасы Cот әкімшілігі Әскери соты департаментінде Қазақстан Республикасы Бас прокуратурасының Құқықтық статистика және арнайы есепке алу комитетінің Әскери департаментімен бірлесіп Л-3 нысанын дұрыс толтыру және статистикалық мәліметтердің нақтылығын қамтамасыз ету мәселесі бойынша дөңгелек үстел өткізілді. ▫Жиынға департамент басшысы А.Балгабаев, департаменттің бөлім басшылары, сот әкімшілерінің басшылары және Әскери департамент бастығы М.Ерназаров, бөлім бастығы Б.Айнабеков, бөлім прокуроры И.Абдраимова қатысты. ▫Дөңгелек үстел барысында Л-3 нысанын дұрыс толтыру, статистикалық есептерді жүргізу, туындаған мәселелерді шешу жолдары талқыланды. Қатысушылар бір-бірімен тәжірибе алмасып, бірлескен іс-қимылды ұйымдастыруға және AITU мессенджері арқылы тұрақты байланыс орнатылады деген шешімге келді. ▫Қорытындысында қатысушылар бірлескен жұмысты жалғастыруға, тәжірибе алмасуға және ақпаратты уақытылы бақылауға дайын екендерін айтып, бір – біріне өзара алғыс білдірді.