Post #1706

Республикалық референдум өткізу кезеңінде мемлекеттік органдардың өзара іс-қимылының ұйымдастырушылық-құқықтық мәселелері талқыланды ▫Қазақстан Республикасының Әскери соты Қазақстан Республикасының Бас әскери прокуратурасымен бірлесіп заңдылықты, сот төрелігінің қолжетімділігін және мемлекеттік органдардың өзара іс-қимылын қамтамасыз ету мәселелері бойынша кеңейтілген кеңес өткізді. ▫Аталған іс-шараға әскери соттың, Бас әскери прокуратураның бірінші басшылары, судьялар, прокуратура және полиция қызметкерлері қатысты. ▫Кеңес модераторлары ретінде әскери соттың төрағасы Ғ.П.Нәсірдінов және Бас әскери прокурор Д.А.Секенов сөз сөйледі. ▫Әскери соттың азаматтық істер жөніндегі сот алқасының төрағасы-спикер Н.У. Рахимберлин өз баяндамасында республикалық референдум туралы, сайлау туралы заңнаманың негізгі талаптарын, азаматтарға заңдар нормаларын түсіндіруге жәрдем көрсетуді атап өтті, талқылауға осы мәселелер бойынша бірлескен іс-қимыл алгоритмін ұсынды. ▫Соттар заңдылықты, азаматтардың құқықтарын қорғауды және қолданыстағы заңнама шеңберінде өтініштерді уақытылы қарауды қамтамасыз ететіні атап өтілді. ▫Кеңес қорытындысы бойынша өзара іс-қимылдың негізгі бағыттары айқындалды және референдумды дайындау және өткізу кезеңінде азаматтардың құқықтары мен заңдылықты қамтамасыз етуге бағытталған ұйымдастырушылық шаралар әзірленді. ▫Қазақстан Республикасы Әскери сотының баспасөз қызметі 🌐https://t.me/askeri_sottar