Post #1741

▪Қазақстан Республикасы Әскери сотында қылмыстық істер жөніндегі сот алқасының төрағасы А.И.Аширбековтің төрағалығымен «Қылмыстық құқық бұзушылықтар бойынша сотқа дейінгі тергеп-тексерулердің бірыңғай тізілімін (БТТ) жүргізудің проблемалық мәселелері» тақырыбында дөңгелек үстел өтті. ▪Дөңгелек үстел жұмысына Қазақстан Республикасы Бас әскери прокуратурасының, Қазақстан Республикасы Ішкі істер министрлігінің Әскери-тергеу департаментінің, Қазақстан Республикасы Ұлттық қауіпсіздік комитетінің Әскери полиция департаментінің, сондай-ақ Қазақстан Республикасы Қарулы Күштері Әскери полиция Бас басқармасының басшылығы қатысты. ▪Іс-шара барысында қылмыстық істерді қарау кезінде БТТ жүргізуге байланысты туындайтын өзекті проблемалық мәселелер талқыланды. ▪Атап айтқанда, тізілімге мәліметтердің толық әрі уақтылы енгізілуі, қылмыстық құқық бұзушылықтарды саралау жөніндегі мәліметтердің дұрыстығы, іс жүргізу мерзімдерінің сақталуы, сондай-ақ электрондық құжаттармен жұмысты оңтайландыру және өзге де мәселелер қаралды. ▪Талқылау барысында сотқа дейінгі тергеп-тексеру сапасын арттыру, қабылданатын шешімдердің заңдылығына әсер ететін іс жүргізу бұзушылықтарының алдын алу, сондай-ақ БТТ-ны уақтылы және дұрыс жүргізудің қылмыстық сот ісін жүргізудегі маңызды құралдардың бірі ретіндегі рөліне ерекше назар аударылды. ▪Дөңгелек үстелге қатысушылар практикалық тәжірибелерімен алмасып, құқық қолдану тәжірибесіндегі өзекті мәселелерді талқылады және БТТ жүргізу кезінде заңдылықты қамтамасыз ету мен құқық қолдану тәжірибесін жетілдіруге бағытталған ұсыныстар мен ұсынымдар әзірледі. Қазақстан Республикасы Әскери сотының баспасөз қызметі