Post #284

◽️ «Әскери соттарда мемлекеттік тілдегі сот істерін қарау үлесін арттыру» тақырыбында дөңгелек үстел өтті ◽️ Сот ісін жүргізуде мемлекеттік тілдің қолдану аясын кеңейту мақсатында, әскери соттың ұйымдастыруымен «Әскери соттарда мемлекеттік тілдегі сот істерін қарау үлесін арттыру» тақырыбында дөңгелек үстел өтті. ◽️ Оның жұмысына ҚР Әскери сотының судьялары, Қазақстан Республикасы Бас әскери прокуратурасының, ҚР Қорғаныс министрлігінің, ҚР Ұлттық қауіпсіздік комитеті Шекара қызметінің, ҚР Ұлттық ұлан қолбасшылығының, ҚР Сыбайлас жемқорлыққа қарсы іс-қимыл агенттігінің, ҚР Қарулы күштері Әскери полициясы бас басқармасының, ҚР Ішкі істер министрлігі Орталық өңірлік әскери тергеу басқармасының өкілдері және Астана қаласы Алматы ауданының адвокаттар алқасының мүшелері қатысты. ◽️ Төрағалық етуші Әскери сот төрағасы Ғ.Нәсірдінов мемлекеттік тілдің қолданылу аясын кеңейту, мәртебесін арттыру, мемлекеттік тілдің үлес салмағын арттыру бойынша құқық қорғау органдарымен жүйелі түрде жұмыстар жүргізілуде. Соттарда өткізіліп жатқан іс-шараларда үнемі мемлекеттік тілде сот іс жүргізу тиімділігінің мәселелері көтеруде. Бүгінде әскери соттарда мемлекеттік тілде істерді қарау санының ұлғаюын атап өтті. ◽️ ҚР Әскери сотының судьялары Ғазиз Сақалов және Дамир Ахтямов әскери сотта қылмыстық және азаматтық істердің мемлекеттік тілде қаралуы жөнінде баяндама жасады. ◽️ Баяндамашылар әскери ағымдағы жылдың 5 айында мемлекеттік тілде аяқталған істер статистикасына тоқталып, істерді мемлекеттік тілде қараудағы жағдайын баяндады. ◽️ Сонымен қатар, қатысушылар қызмет барысындағы мемлекеттік тілдің қолдану аясы және мемлекеттік тілде сотқа жолданатын талап қою мен істер туралы өз пікірлерін ортаға салды. ◽️ Ұйымдастырушылар тарапынан тіл төңірегіндегі заңнаманың бұзылуына жол бермеу, сотқа жолданатын мемлекеттік тілдегі іс материалдарының сапасына назар аудару, мемлекеттік тілде қаралатын істердің үлесін арттыруда бірлесе нәтижелерге қол жеткізуге қатысты ұсыныстар енгізіліп, өзара пікір алмасты. 🌐https://t.me/askeri_sottar