Post #292

◽️Әскери сот 2024 жылдың бірінші жартыжылдығындағы жұмысын қорытындылады ◽️ Әскери соттармен сот төрелегінің жұмыстарын қорытындылау бойынша кеңейтілген кеңес өтті. ◽️ Кеңес жұмысына Қазақстан Республикасы Әскери сотының төрағасы Ғалымжан Нәсірдінов, судьялар корпусы және ҚР Сот Әкімшілігі Департаментінің басшылығы мен мамандары қатысты. ◽️ Іс – шара барысында, Әскери соттың алқа төрағаларының, оқу орталығы үйлестірушісінің, Судьялар Одағы филиалының және судья әдебі жөніндегі комиссия төрағаларының баяндамалары тыңдалды. ◽️ Сондай – ақ, гарнизондардағы әскери соттардың төрағалары өз жұмыс нәтижелері туралы баяндама жасады. ◽️ Әскери сот Департаментінің басшысы А.Әлиев гарнизондардағы әскери соттардың материалдық-техникалық жағынан қамтылу жағдайына тоқталып өтті. ◽️ Кеңес отырысын қорытындылай келе, сот төрағасы Ғалымжан Нәсірдінов сот практикасының біркелкілігін, сот актілерінің сапасын, жаза тағайындау практикасын атап өтіп, сот төрелігінің сапасын одан әрі жақсарту, соттардың ашықтығын қамтамасыз ету, істі қарауда әуре-сарсаңға салмау, сот актілерін уақтылы орындауға жолдау мерзімдерін сақтауға қатысты бірқатар тапсырмалар берді. ◽️ Кеңейтілген кеңес соңы судья және сот қызметкері күніне орай салтанатты марапаттау рәсіміне ұласты. ◽️ Әскери сот судьялары мен сот қызметкерлері Жоғарғы Соттың III дәрежелі «Мінсіз қызметі үшін» медальдарымен, құрмет грамоталарымен, «Сот жүйесінің үздігі» төсбелгісімен, Әскери сотының құрмет грамоталарымен, ҚР Судьялар Одағының «Үш би», «Жеті жарғы», «Судьялар одағының құрметті мүшесі», «Сот жүйесінің белсенді қызметкері» құрмет белгілерімен, судьялар Одағы Филиалының құрмет грамоталарымен және алғыс хаттарымен, ҚР Сот әкімшілігі Әскери соты департаментінің құрмет грамоталарымен марапатталды. 🌐https://t.me/askeri_sottar