Post #305

◽️ Талап қоюшы Д. ҚР Қорғаныс министрлігінің әскери бөлімдерінің біріне және талап қоюшыға тиесілі автокөліктің қатысуымен болған жол-көлік оқиғасы салдарынан механикалық зақым келген автокөлікті қалпына келтіру жөндеуінің құнын өндіріп алу туралы талап қоюмен сотқа жүгінді. ◽️ Сот 2023 жылдың желтоқсанында әскери бөліміге тиесілі автокөлікті әскери қызметші С. басқара отырып, рульді басқара алмай, талап қоюшы Д.-ға тиесілі тұрған автокөлікпен соқтығысуға жол бергенін анықтады. ◽️ ЖКО салдарынан талап қоюшы Д.-нің автокөлігіне механикалық зақым келтірілген, ол 515 619 теңгені құрады. Соттың 2024 жылғы 04 қаңтардағы қаулысына сәйкес С. ӘҚБтК-нің 610-бабының 1-бөлігінде көзделген әкімшілік құқық бұзушылық жасағаны үшін кінәлі деп танылды және айыппұл түрінде әкімшілік жазаға тартылды. ◽️ Сот отырысында жауапкердің өкілі тараптардың ұстанымын ішінара мойындады. ◽️ Сонымен қатар, сот отырысы барысында жауапкердің өкілі тиісті емес жауапкерді тиісті жауапкерге, яғни әскери бөлімді әскери қызметші С.-ға ауыстыру туралы өтініш білдірді. ◽️ Үшінші тұлға әскери қызметші С.талап қою талаптарын толық көлемде мойындады, талап қоюшы жүргізген сараптама бойынша залал сомасын өндіріп алуды сұрады. ◽️ Прокурор талап қоюды толық қанағаттандыру туралы қорытынды берді. ◽️ Азаматтық кодекстің 917-бабына сәйкес азаматтар мен заңды тұлғалардың мүлiктiк немесе мүлiктiк емес игiлiктерi мен құқықтарына заңсыз iс-әрекеттермен келтiрiлген зиянды, оны келтiрген тұлға толық көлемiнде өтеуге тиiс. ◽️ Осы орайда, АК-нің 921-бабына сәйкес заңды тұлға еңбек мiндеттерiн атқару кезiнде келтiрген зиянды өтеуге міндетті. ◽️ Баяндалғанның негізінде сот талап қоюды толық көлемде қанағаттандырды, әскери бөлімнен талапкер Д.-ның пайдасына мүліктік зиян үшін ақшалай қаражатты, мемлекеттік бажды және залалды бағалау жөніндегі қызметтерді төлеу бойынша сот шығындарын өндіріп алды, бұл 789 250 теңгені құрады. ◽️ Шешім заңды күшіне енген жоқ. 🌐https://t.me/askeri_sottar