Post #309

◽️ Алматы гарнизонының әскери сотында Қазақстан Республикасы Қорғаныс министрлігінің «Алматы облысының Қорғаныс істері департаменті» республикалық мемлекеттік мекемесінің есебінен К.-ны оқытуға жұмсалған 645 534 теңге бюджет қаражатын мемлекет кірісіне өндіру мақсатында сот бұйрығын шығару туралы арызы қаралды. ◽️ К. 2019-2021 жылдар аралығында Құрлық әскерлерінің Әскери институтында оқыған. ◽️«Әскери қызмет және әскери қызметшілердің мәртебесі туралы» Заңының 40-бабының 1-тармағының 5-тармақшасына және бұрын жасалған келісім-шартқа сәйкес К. әскери оқу орнында белгіленген оқу мерзімін және офицерлік құрамдағы оқу орнын бітіргеннен кейін он жыл әскери қызмет өтілін қамтитын мерзімге әскери қызмет өткеруге тиіс болатын. ◽️Алайда, Әскери институт бастығының 2021 жылғы 19 тамыздағы бұйрығына сәйкес, К. теріс себептермен жұмыстан босатылып, осыған байланысты бұрын жасалған келісімшарт бұзылған. ◽️ Келісімшарт талаптарының бұзылуына байланысты арызданушы соттан оқуға жұмсалған ақшаны өндіру туралы арызбен сотқа жүгінген. ◽️ Заңның 26-бабының 10-тармағына сәйкес «Оқытуға жұмсалған бюджет қаражатын мемлекетке өтеу қағидаларын бекіту туралы» Қазақстан Республикасы Қорғаныс министрінің 2017 жылғы 20 шілдедегі No 372 бұйрығының негізінде соттың әскери оқу орындарындағы, әскери факультеттердегі әскери қызметшілерден мемлекет пайдасына К.-дан бюджет қаражатын өндіру туралы сот бұйрығы шығарылды. ◽️Сот бұйрығы орындалуға жіберілген. 🌐https://t.me/askeri_sottar