Post #20002

#обуначиларимиздан #таҳрирсиз “Мактаб талими вазирлигига мурожат! Хорижий тил ўқитувчиларини (тил эгаларини) Ўзбекистонга олиб келиниши масаласида. Авваламбор бу ғоя ажойиб ғоя, жуда манфаатли бўлган ғоя, талим тизимимизга фойдаси тегадиган ғоя бўлган. Лекин бу ғояни амалга оширишда қўпол хатоликларга йўл қўйилмоқда. Биринчидан бизга олиб келинган хорижий тил ўқитувчилари (тил эгалари) нотўғри танланган, педагогик махорати ўта паст бўлган кадрлар танланган, қай услубда танлаб олгансизлар бизга қоронғу. Тилни яхши билади дегани яхши ўқитувчи деганимас. Олиб келинган ўқитувчиларда хечқандай янги методика, янги иннавацион дарс ўтиш услублари йўқ. Хаммаси пул учун келишган ва дарс ўтишса-ўтишмаса ойлигини олишяпти. Уларни дарсини текширадиган, анализ қиладиган, хулоса берадиган хечким йўқ. Дарс беришга лойиқми-нолойиқми текширилмаяпти. Иккинчидан улар яшаётган уйни ижара масаласи. Уларнинг шартномасида хамма шароитларга эга, хамма жихозлар билан жихозланган квартира берилади дейилган. Вахоланки бундай квартилар нархи баланд, махалий бюджетдан ажратиладиган маблағ эса анча кам. Ижара пули махалий бюджет хисобидан қопланиш керак бу эса жуда катта муаммо келтириб чиқармоқда. Ижара хаққи тўрт- беш ойлаб тўлаб берилмади. Жабрини мактаб директорлари ва ўқитувчилар кўрди. Бази мактабларда ўқитувчилардан ижара учун пул йиғилган бўлса, бази мактаб директорлари ёнидан тўлаб юришди. Хаммани уйида оиласи бола-чақаси бор, сизлар олиб келган хорижлик ўқитувчини ижарасини тўлаш кафиллигини олмаган. Ижара пулини тўлайверишдан тўйган мактаблар, бир ой тўламаганди, ижара уйдан хайдаб чиқарилиш холатлари хам кузатилди, шарманда бўлганимиз қолди. Ойлигини вақтида тушириб беряпсизлар, ижарасини хам худди шундай тўлаб берсангизлар яхши бўларди. Учинчидан хорижлик ўқитувчилар Ўзбекистонда таржимонсиз юра олмайдилар, чунки махалий ахоли инглиз тилини деярли билмайди. Келган хорижлик ўқитувчиларга мактабидан бир ўқитувчи бириктирилмоқда, таржимон сифатида, лекин таржимонлиги учун хечқандай қўшимча хақ олмаяпти. Вахоланки махалий ўқитувчи хорижлик ўқитувчи билан 24/7 юрибди бирга ва барча муаммоларини хал қилишда ёрдам бермоқда. Ахир ўқитувчи ўтган дарсига хақ олади холос, лекин туну-кун бирга юришга, таржима қилишга мажбур бўлмоқда. Ёки алохида таржимон ажратилиши керак ёки бириктирилган ўқитувчига қўшимча хақ тўланиши керак. Хулоса ёки бу дастурни умуман тўхтатиш керак, ёки бошқа даражада ташкил қилиш керак. Хозирги ташкилий ишлар ноль даражада. Авалламбор келаётган хорижлик ўқитувчини - махалий ўқитувчиларга ва директорларга оғири тушмасин. Истаган хорижлик ўқитувчи келган мактаб директори ёки ўқитувчисидан сўранг "Қайтиб келмасин бизга хорижлик ўқитувчи, керакмас" деб айтади. Ахир уларни олиб келишдан асосий мақсад нима талим тизимимизни кўтаришми? Ахир бу ўқитувчилар билан кўтариб бўлмайди, ундан кўра ўзимизни махалий инглиз тили ўқитувчиларимиз минг марта яхши ўтади дарсларни. Илтимос бу масалага жиддий қарашингларни сўрардим!“ - дейилмоқда хабарда. "BASTION" каналига аъзо бўлинг ва дўстларингизга улашинг!👇 @bastiongr