@wbuzbekistan · Post #834 · 11.11.2022, 13:15
🌍🌡️ Misrning Sharm al-Shayx shahrida Birlashgan Millatlar Tashkilotining Iqlim o'zgarishi to'g'risidagi Doiraviy konvensiyasiga bag'ishlangan 27- konferensiyasi (#COP27) mamlakatlar, ishbilarmon doiralar va jamoat tashkilotlari vakillarining ishtirokida tobora kuchayib borayotgan iqlim inqirozini yengish zarurati fonida bo'lib o'tmoqda. 📉 Ukrainadagi urush, dunyo boʻylab inflyatsiyaning tez o'sishi, byudjet tangligi va energiya resurslarining taqchilligi yoqilg'i va oziq-ovqat tarmoqlarini beqarorlashtirdi. Shu bilan birga, iqlim o'zgarishi ham o'z ta'sirini ko'rsatmoqda: Pokistondagi halokatli suv toshqinlari yuzlab odamlarning hayotiga zomin bo'ldi va millionlab odamlarni oʻz yerlarini tashlab ketishga majbur qildi, Xitoy va Afrika shoxi mintaqasidagi qurg'oqchiliklardan millionlab odamlar jabrlandi, Yevropa esa 500 yil ichidagi eng yomon qurg'oqchilikni va anomal issiqlikni boshidan kechirdi. ⚠️ Xavf juda katta: agar issiqxona gazlari emissiyasi tezda kamaytirilmasa, kelajakdagi xarajatlar ancha yuqori bo'lib keyingi 50 yil oʻzida 178 trillion AQSh dollariga yetishi mumkin. Bu koʻrsatgich bugungi kundagi global yalpi ichki mahsulotdan (YaIM) ikki baravar ko'pdir. Eng muhimi, kech harakat qilish butun dunyodagi odamlarning hayoti va farovonligi uchun qaytarilmas, halokatli oqibatlarga olib kelishi mumkin. 🌐 Jahon banki guruhi dunyo mamlakatlariga BMTning Iqlim o'zgarishi to'g'risidagi Doiraviy konvensiyasi bo'yicha o'z majburiyatlarini bajarish va uning oqibatlarini yumshatishda yordam berish uchun qanday choralar ko'rmoqda? Bu haqida batafsil bizning yangi maqolamizda o'qing: https://bit.ly/3WKELnn
Hashtags