Post #1133

🧐Аймағамбетов пен Зайытов жүр! Amanat-тың атынан Мәжіліске ұсынылған кандидаттар тізімі шықты “Amanat” партиясынан Мәжілісінің депутаттығына ұсынылатын кандидаттар тізімі жарияланды деп жазады DALA INSIDE. Билікшіл блогерлер: "партия құрамы 75 пайызға жаңарып, ескі Қазақстанның ескі-құсқы өкілдерінен арылды" дейді. Dalainside депутаттықтан үмітті кандидаттардың тізімін сүзіп шықты: арасында қазақтілді аудиторияның алқауына бөлінген азаматтар бар екен, популистер де жоқ емес. Атап айтқанда, экс-Білім министрі Асхат Аймағамбетов партияның атынан Мәжіліске үміткер ретінде ұсынылған. Тізімде бұдан бөлек атышулы айтыскер Ринат Зайытов та жүр. Рәкеңнің өзі бұған қатысты : "Өмір жолы бұралаң..." деген пікір білдірді. “Жайдарманның” негізін қалаған Есен Елеукен де осы жерде. Билікшіл блогер Самат Нұртаза мен билікшіл сарапшы Бауыржан Серікбаев та үміткерлер сапына енген. Белгілі тележүргізушілер Мақсат Толықбай мен Нартай Аралбай да депутаттықтан дәмелі. Артұр Платонов дейтін әріптесімізді де көзіміз шалып қалды. Қоғам белсендісі Мұрат Әбенов, ақындар Жанарбек Әшімжан мен Аманжол Әлтай да осы тізімге еніпті. Блогер Ғалым Байтұққа да Мәжілістен бір орын “бұйырып” тұрған сыңайлы. Ауру қалса да, әдеттен арылу қиын. Тізімде спортшылар да жүр: боксшы Фируза Шарипова мен шахматшы Динара Сәдуақасова мәжілісмен атанып жатса, таң қалмаңыз. “Жаңа Қазақстан” депутаттық тобының белсенділері – Жаңбыршин, Сарым, Саиров үштігі осы көшті бастап тұрғаны анық. Сайлауға қатысты тосын жаңалықтарды аңдып отырыңыздар. Арнаға тіркелуді ұмытпаңыз👇 https://t.me/dalainside