Post #1142

⚡️ "Ақжол" осы сайлауда фиаскоға ұшырайды. Перуашев мұның себебін біледі... Соңғы рет Назарбаевты шығарып саларда көңілі босап, көзіне жас үйірілген Перуашев бұл жолы ботадай боздауы мүмкін. Путиннің шапқыншылығын қолдайтынын айтып, Зеленскийге тіл тигізген экс-ақжолдық Азамат Әбілдаевтың сұхбатынан кейін партияның позициясы шатқаяқтап кеткен. Dalainside дереккөзінің айтуынша, алдағы сайлауда Мәжілістегі "ақжолдықтардың" үлесі мардымсыз болады. Қазақтілді аудитория алашшыл партияның сөзі мен ісі қабыспайтынын аңғарған. "Әрісі Бәйменовтың, берісі Қосановтың "сатқындығын" әлі күнге дейін еске салатын қазақтілді қауым "Ақжолдың" ағаттығын да кешірмейді. "Түнеукүнгі келеңсіздіктен кейін қазақтар Перуашевтың Алашқа қатысты ұстанымдарын манипуляция деп санайтын болды. Сайлауда "Ақжолды" қолдап дауыс беруге дайын отырған электораттың көңіліне күдік ұялап, сеніміне селкеу түсті. Сайлау компаниясында "Әбілдаев факторы" партияның алдынан шығып, әлі талай рет жолын бөгейтін болады. "Ақжолдың" жолын кес-кестейтін тағы бір салмақты аргумент - "Республика" партиясы...", – дейді Dalainside дереккөзі. Бізге жеткен мәлімет бойынша келешекте "Республика" толыққанды Тоқаевтың партиясына айналады. Саяси ұйымның төңірегіне топтасқан табысты азаматтар Жаңа Қазақстанның қабырғасын қаласуға әзір. Ал олардың саяси амбициясын тояттандыру "Ақжолдың" есебінен жүзеге асады. Ескі Қазақстанда "Нұр Отаннан" артылған орынды місе тұтып келген "Ақжол" ендігіде екінші кезектен үшінші, төртінші сатыға сырғанайды. Өкінішке орай, Тоқаевтың дәуірінде Перуашевтың құлдырау кезеңі басталады, тиісінше ол жетекшілік ететін партияның саяси салмағы да кеми түседі. Алдағы "жеті жылда" Республиканың дәуірлеу кезеңіне куә боламыз. Ал "Республиканың" арғы жағында кім тұр? Dalainside алдағы уақытта бұл жайлы егжей-тегжейлі айтады. Арнаға тіркелуді ұмытпаңыз👇 https://t.me/dalainside