Post #1143

🙅Туған күні мен соты осы айда: Арыстанбек Мұхамедиұлы жазадан құтылып кете ме? Экс-министр Арыстанбек Мұхамедиұлы 60-қа толды. Онысын изоляторда қарсы алды. Кезінде "Ескі Қазақстандағы" тәкаппар шенеуіктің жиынтық образын бір өзіне жинап, жалғанды жалпағынан басқан болатын. Бірақ "Қаңтар оқиғасынан" кейін Антикор құрықтап, дәуірі ерте аяқталды. DALA экосистемасы Арыстанбектің жүріп өткен жолдарын көріп, онда талай адамның көз жасы жатқанын жазады. Осынау қырғын байлық оған қалай келгенін де түсіндіреді. Экс-министр 2000 жылы "Саха гауһарлары" дүкенін аштым және сол арқылы байыдым деген мәлімет келтіреді. Бірақ, ол дүкен небары 9 шаршы метр жерде арендаға алынған болып шықты. Тек "Ескі Қазақстанда" ғана бір дүкен мен мемлекеттік қызметші табысына құны миллиард теңге тұратын «The Family» мейрамханасы, «Сауран» сауда орталығы, Қазақ энциклопедиясының ғимараты, колледж, «Дипломат» қонақ үйін, елордадағы «Шапағат» базарының 45 пайыздық үлесін, Көктөбедегі коттеджді иеленуге болатын таңғажайыптар орын алды. Арыстанбек Мұхамедиұлы бизнес империясын қалай құрды? Миллиардтаған соманың нысандары жалақысы жоғары емес мемлекеттік қызметкердің қолына қалайша түсті? Бұл өте қызық сұрақ. Және ол билік басындағы беделді қамқоршысынан айрылғаннан кейінгі тағдыры нешік болмақ? Толығырақ мына жерде 👉Dalanews.kz