Post #1145

⚡️Тоқаев пен Назарбаевтың айырмашылығы неде? Жәкішев оның жауабын айтты... ҚазАтомның экс-төрағасы, саясаткер Мұхтар Жәкішев украиндық танымал журналист Дмитрий Гордонға сұхбат берді. Dalainside Жәкішевтың Тоқаев пен Назарбаевты салыстырған тұсын арна оқырмандарына жеткізуді жөн көрді. Мұхтардың пікірінше Тоқаев экс-президентке қарағанда әлдеқайда сауатты, білімді. Ол ақшаға келгенде дәл Назарбаевтай ашкөз емес. Дүние-байлыққа деген құмарлығы жоқ. Ақшаны көргенде бүкіл моральдық құндылықтарды жиып теріп, адами принциптерден аттап кететін адам емес. Осы тұста Гордон: "Демек, Назарбаевта мұндай дерттің болғаны анық қой?" деген сауал қойды. Жәкішев бұған бас изеп жауап берді. "Иә, бұл дау туғызбайтын ақиқат", – деді ол. Гордон бұдан сырт Тоқаевтың тұсындағы Қазақстан мен Назарбаевтың дәуірін салыстыруды сұрады. "Тоқаевтың Қазақстаны маған көбірек ұнайды. Себеп: аз да болсын ойыңды ашық айтатын мүмкіндік берілуде. Назарбаевтың заманында негізінен үй ішілік күбір-сыбырмен шектелетін едік. Мұндай билік әдетте халықтың жауы іспетті болып келеді. Қазір біршама кеңдік бар, қыл бұраудан құтылғандаймыз. Сөйлеуге, пікір білдіруге шектеу қойылып отырған жоқ. Ой еркіндігі, сөз бостандығы көрден тіріліп келгендей күй кешіп жүрміз. Десе де, Жаңа Қазақстан толыққанды орнады деуге әлі ерте. Ескі Қазақстанның өкілдері орынтағын сақтап қалды. Ел күткен әділеттіліктің ауылы алыс боп тұр. Ал қоғам үшін әділдіктен асқан құндылық жоқ. Соның ішінде сот саласындағы сорақы шешімдер азаймай отыр. Аға-көке, Бәке-Сәкеге құрылған жүйе тамырын тереңге жайған түрі бар. Назарбаевтың тұсында төрелік еткен соттар автоматты түрде Жаңа Қазақстанға өтіп кетті, олардың мұртын балта шапқан жоқ", – дейді Жәкішев. Жәкішев Путин туралы пікірін де ашық айтты, аздан соң оны да жариялаймыз. Арнаға тіркелуді ұмытпаңыз👇 https://t.me/dalainside