Post #1229

🇰🇿🇺🇦Петропавлдағы провокация: Жаңа Қазақстан Киевтің тізе бүкпеуін тілеуде Қазақстаннан бөліну туралы талап қойған Қызылжар қаласындағы бір топ коллаборанттың үндеуі Ақорданы аса қатты алаңдатып отыр. Тоқаев идеологияға жауапты тұлғалардың мұндай олқылыққа жол бергеніне қынжылыс білдірген. Президенттің теріскейді қазақтандыру туралы тапсырмасы өз деңгейінде орындалмаған, солтүстіктегі орыстанған аудиториямен ақпараттық-ағартушылық жұмыс жүргізілмеген. Солтүстікке қазақ көшін құйылтқысы келген Бурахан Даханов секілді белсенділердің бастаған ісі жоғарыдан жәрдем болмағасын орта жолда тоқтап қалған. Ал популист депутаттар мұндай машақат тірлікпен айналысудан басын ала қашады. Теріскейдегі орыстілді бұқара 🇷🇺Кремльдің уағызына уланып, пиғылы бұзыла бастаған. Өңірдегі орыстанған қазақтардың арасында Путинді пір тұтатындар көп. ❗️ Осы факторларды есепке алған Тоқаев алдағы уақытта теріскейге қатысты кардиналды шешімдер қабылдайды. Идеология саласында ауыс-түйістер орын алып, түнеукүні қабылданған ақпараттық доктринаға өзгерістер енеді. КНБ-дағы ақпараттық қауіпсіздікке жауап беретін бөлімді де күрделі өзгерістер күтіп тұр. Кешегі инциденттен кейін Ақорда идеологтары Киевтің тізе бүкпеуін тілеуде. Путиннің асқына бастаған параноясын ауыздықтау Украинаның майдандағы ерлігіне байланысты. 🇺🇸Батыс пен АҚШ альянсы Киевке қару жеткізуді толастатпай, көмекті ұлғайта түссе, күндердің күні Кремль де тәубесіне түседі. Ақпараттық қауіпсіздік тұрғысында тиісті министрлік Ресейдің пропаганда каналдарын бұғаттауды ойластыра бастауы тиіс. Бұл туралы әлі де айтамыз. Арнаға тіркелуді ұмытпаңыз👇 https://t.me/dalainside