Post #1231

👮Серік Күдебаев Эгей теңізінің суына аяғын малды Қазақстаннан Қырғызстан арқылы қашқан Серік Күдебаев Бодрумнан уақытша пана тапты дейді, DALA INSIDE дереккөзі. Онда Назарбаевтың резиденциясы бар және осы демалыс орнын Серік Күдебаевті кезінде Алматы полициясының басшысы етіп тағайындаған Ахметжан Есімов арагідік қадағалап қояды. Бірақ Түркия мен Қазақстан арасында экстрадиция бойынша келісім бар болғандықтан, Күдебаев Бодрумда тұрақтамай, Дубайға ұшады деп болжануда. Оның қашуын қазір Дубай мен Бодрумда орын тепкен Назарбаев кланы аса құптай қоймаса да, лажы жоқ, өз қолын өздері кесе алмады. Күдебаев шапырашты, Назарбаев пен Есімовке ағайын болып келеді. "Қаңтар оқиғасы" кезінде Алматы облысының облысының полиция департаментін басқарған, комендант болған Күдебаев полиция ғимаратын тастап, Қаскелеңдегі ауылына кетіп қалған болатын. Қылмыстық әрекетсіздік бабымен айыпталып, сотталуы тиіс еді. Сот басталғанға дейін ол "Ешқайда кетпеу" жөніндегі қолхатпен жүрді. Прокурор оны 9 жылға бас бостандығынан айыруды сұраған еді. Дереккөз мәліметінше, экс-генерал Күдебаев наурыздың 22-інен 23-іне қараған түні Қырғызстан шекарасын Шу жақтан кесіп өткен. Күдебаевтің өзі жоқ болса да, оның соты өте ме? Егер өтетін болса, сот үкімі сырттай шығарылатын болады. Оның қазіргі айыбына, сот шешімін бұзып, заңсыз қашқаны үшін қосымша айып тағылып, жазасы ауырламақ. Күдебаев туралы әлі де айтамыз. Арнаға тіркеліп алыңыз👇 https://t.me/dalainside