Post #1232

🏦“Home Credit Bank” АҚ Fitch-тен алғаш рет “ВВ -” деңгейінде рейтинг алды, болжам “Тұрақты” Fitch Ratings халықаралық рейтингтік агенттігі қазақстандық «Home Credit Bank» АҚ-ға «ВB-» деңгейінде шетел және ұлттық валютадағы эмитенттің ұзақ мерзімді дефолт рейтингін (ЭДР) берді. Рейтинг бойынша болжам – «Тұрақты». «Бұл «Home Credit Bank» АҚ 2022 жылдың желтоқсанында болған акционерлердің ауысуынан кейін дербес қаржы институты ретінде алған алғашқы рейтингіміз. Fitch-тің мұндай жоғары рейтингі банктің тұрақты қаржылық жағдайын, оның республиканың бөлшек кредиттеу нарығындағы мықты позициясын, адаптивті және табысты бизнес-модельдің болуын көрсетеді деп санаймыз. Home Credit Bank биылғы жылды өтімділіктің жеткілікті қоры мен меншікті капиталдың айтарлықтай деңгейіне ие бола отырып аяқтады. Бұл банктің тәуекел-тәбет тұрғысынан консервативті саясат жүргізетіндігінің тағы бір дәлелі болды, сонымен қатар банктің топ-менеджменті тарапынан операциялық шешімдер қабылдаудағы жылдамдық пен икемділікті атап өту керек. Өткен жылы Home Credit Bank цифрлық банкингті дамытуды, клиенттеріміз үшін бәсекеге қабілетті өнімдер мен қызметтерді құруды жалғастырды, мобильді қосымшаны жақсарту бойынша үздіксіз жұмыс жүргізді», – деп атап өтті «Home Credit Bank» АҚ Басқарма төрағасы Кирил Бачваров. Home Credit Bank Қазақстанда 2005 жылдан бастап жұмыс істейді. Бөлшек кредиттеу сегментіндегі белсенді ойыншы болып табылады. Клиенттердің белсенді базасы 1,5 млн адамды құрайды, оның 90%-дан астамы Банктің кемінде екі өнімін пайдаланады. Банк активтері 2023 жылғы 1 ақпандағы жағдай бойынша 538 млрд теңгені, меншікті капиталы 132,8 млрд теңгені құрады. Меншікті капитал мөлшері бойынша Home Credit Bank 2023 жылғы 1 ақпандағы жағдай бойынша Қазақстандағы 10 ірі банктің қатарына кіреді. https://t.me/dalainside