Post #1240

🇰🇿🇨🇳Қазақстан Еуразиялық одаққа Қытайды кіргізуді ойлана бастады Қытай биыл импорт бойынша Қазақстанды Ресейден жұлып алмақ. Және Ресей оған ештеңе істей алмайды. "Қорғас" халықаралық сауда әріптестігі орталығына біздің тарап үлкен мән беріп отыр. 2023 жылдың қорытындысы бойынша Қытай Қазақстанның ең ірі импортері атануы ықтимал. Онда Ресей ұзақ жылғы генемондығынан айрылады. Солтүстік федерациядан келетін импорттың құлдырауы өткен жылдың жаз айынан басталған. Ресейде көлік, жиһаз құрастыру күрт азайды. Халықаралық компаниялар кеткеннен кейін ішкі нарықта дефицит бар. Қазақстан импортындағы Ресей үлесі 2021 жылы 43 пайыз болатын. 2022 жылдың қортындысы бойынша ол 35 пайызға түсті. Биыл жыл бойы осы төмендеу жалғасып келеді, сонда 2023-тің қортындысы бойынша Ресей үлесінің 30 пайыздан түсетіні анық. Ал ұлттық статистикаға қарасақ, 2021-2022 жылдары Қытай өз бізге деген импортын 20 пайыздан 26 пайызға дейін көтерген. «Қорғас» ашылса, ол тағы өседі. Демек Қытай өзінің тарихи титулын қайтарып алмақ. Қазақстан Қытайдың Еуразиялық экономикалық одаққа мүше болуына мүдделі. Ол керемет саяси баланс туғызар еді. Және Кремльдің "одақтың идеясын біз емес, 1994 жылы Назарбаевтың аузымен Қазақстанның өзі айтқан" деп көпшік қоя беретінін пайдаланып, одақты құруші ретінде оның тізгінін Мәскеуден жұлып алып, Бейжіңге бере аламыз. Егер ондай маневр істей алсақ, бізге Одақтан шығудың да қажеті жоқ. Ресей мен Қытай арасындағы оператор атанып, күшейіп алуға болады. Ал Ресей бізге өз тауарларымызды өткізетін нарық ретінде керек. Қанша дегенмен ол үлкен нарық. 2022 жылдан бастап Қазақстанның Ресейге экспорты кем дегенде 50%-ға өсті. Қазір біздің сыртқы сауда айналымымыз 134,4 миллиард АҚШ долларын құрайды. Біздің сауда профицитті, яғни жағымды баланс бар. Экспортымыз импорттан 34,4 миллиард долларға артық. Ал төлем балансы бойынша Қазақстан оның есебінің жаңа методикасын қабылдап отыр. Баланс профициті айтарлықтай қысқаратыны анық. Бірақ ол қауіпті емес. Қасым-Жомарт Тоқаев үшін тарихи сәт туды десе де болады. Ортақ үстелге Бейжіңді тарту бүкіл құрлықтағы қауіпсіздік трансформациясын бастайды. Және оның дирижері Ресей болмайды. Сол себепті, Кремль Еуразиялық экономикалық одаққа Қытайды кіргізгісі келмей отыр. Егер Қазақстан Армения, Қырғызстанды өз жағына тартса, Ресей мен Беларусьті дауыс басымдығымен жеңіп кететіні анық. Одаққа Қытай келген күні Өзбекстан сол күні қатарға қосылады. Болашақты тіпті бұл одақтан Ресей мен Беларусьті шығарып жіберу мүмкіндігі де жоққа шығарылмаған. https://t.me/dalainside