Post #1247

💨🔥"Ескі Қазақстан" Астанадағы митингке қызыға бастады DALA INSIDE дереккөзі "Ескі Қазақстан" кланының Жаңаөзен тұрғындары Астанада өткізіп жатқан митингті өз мақсатына пайдалану мүмкіндігін ойластырып жатқанын айтты. Кланның кейбір белді өкілдерінде реваншисттік пиғыл әлі де сақталып отыр. Бірақ "Ескі Қазақстан" қазіргі жағдайда билікті өзіне қайтара алмайтынын біледі. Сондықтан митингті пайдаланып, қазіргі биліктен бірнеше преференция алып алуға шешім қабылдаған. Оның ішінде істі болып жатқан "Отбасыға" жақын тұлғалардың жазасын жеңілдету, келісілген капиталды сыртқа шығару, оның легализациясына бөгет жасамау сынды ұсыныстар бар. Кеше Астанаға Жаңаөзендегі «БерӘлі Маңғыстау Company» мекемесінің жұмыстан қысқарған 100-ге жуық қызметкері келіп, олар түнімен Энергетика министрлігі ғимаратының алдында қонып шықты. Бүгін олардың саны 150-ге жуықтады. Мұнайшылар аутсорсинг келісімшартының орнына, үш жылға еңбек шартын жасасып, демалысқа шығуға мүмкіндік беруді талап етіп отыр. Бұл - орынды талап. Әйтпесе аутсорсинг шартын желеу етіп, батыс өңіріндегі жеке компаниялар жұмысшымен ҚР Еңбек заңы аясында келісім жасамайтын болған. Яғни, заңды демалыс жоқ, оның ақысы төленбейді, кез-келген уақытта компенсация бермей жұмыстан шығара салады. Сол себепті, өңір адамдары өздерінің мемлекет қорғауында екенін сезінбей келеді. Мұндай ашулы топ "Ескі Қазақстан" кланы үшін өте пайдалы. Олардың энергиясын қажет жаққа бұрып жіберуге болады. Қазір "Ескі Қазақстан" наразы мұнайшылармен қалай сөйлесетінін, кім сөйлесетінін ойластыруда. Бастысы, митингке шыққандар тарап кетпеуі керек. "Қаңтар" оқиғасы да батыс өңірдің наразылығынан басталғанын ескерсек, Ақорда үшін тәуекел-менеджментін күшейту аса қажет сияқты. Қай кезде де, үлкен өрттің артында кішкентай ұшқын тұратыны белгілі. https://t.me/dalainside