Post #1248

👏БАҚ Қызылжар атауына ауыспақ DALA INSIDE, Электронды кітаптар, Ongar_Online телеграм арналары, Dalanews.kz ақпараттық сайты және бірнеше қазақтілді БАҚ бүгіннен бастап Петропавл қаласын Қызылжар қаласы, ал Солтүстік Қазақстан облысын Қызылжар өңірі деп атайтын болады. Яғни, Қызылжар атауы барлық мақалалар мен посттарда қолданылмақ. Жалпы, Петропавл қаласына өзінің тарихи атауы Қызылжарды қайтару туралы бастама 12 жылдан бері белсенді көтеріліп келеді. Алайда, билік мәселені ушықтырып алудан қорыққандықтан "барынша уақыт созу" тактикасын таңдады. Бірақ халықтың өзі қаланы Қызылжар деп атай бастаса, билікке де артынан бұл шешімді ресми қабылдау оңай болады. Петропавл қаласы 1752 жылы Дәулеткелді, Тұрыпкелді деген ағайынды қазақтардың Қызылжар қонысына бекініс болып қабырғасы қаланды. Сонда, патша үкіметі жіберген орыстар қала салмай тұрып, мұнда қанатты киіз үйлерден тұратын іргелі қоныс болған. https://t.me/dalainside