Post #1251

🔥 Путиннің параноясы асқынып барады: Нұртілеу Лавровтың сөзінен тіксініп қалды Қазақстанның Сыртқы саясат министрі Мұрат Нұртілеу ресми сапармен Ресейде жүргенін білесіздер. Жаңаөзендегі "жалақы дауының" қалқасында қалған саяси шараны Dalainside дүрбі сап бақылап отыр. Қазақстандық әріптесін сый-құрметпен қарсы алған Ресей СІМ басшысы Сергей Лавров Ақорданың беталысына алаңдап отырғанын жасырмады. Соған қарағанда түнеукүнгі Блинкеннің сапары Кремль көсемінің түн ұйқысын төрт бөлсе керек. "Мәскеу Астананың Батыс елдерімен барыс-келіс орнатқанына әсте қарсы емес, әйтсе де бұндай әріптестіктің терезесі тең болуы керек. Бұдан екі тарап та пайда көруі тиіс", – дейді ақылгөйсіді Лавров. Ресейлік дипломатияның тілін жетік меңгерген DALA INSIDE мұның астарында Кремльдің көршілерге доқ көрсететін тоңмойын саясаты жатқанын тез-ақ аңғарды. Лавровтың сыртқы саясаттың "жілігін шағып, майын ішкен" қазақстандық әріптесін Батыс өркениетімен қорқытқаны әрі күлкілі, әрі аянышты көрінді. Ресейлік дипломаттың айтуынша Ақ үй Ақорданы Мәскеуге қарсы келуге азғырады. "АҚШ пен Батыс Ресейдің орбитасындағы елдерді бізге қарсы қояр болса, оның зардабы ауыр болады. Мұндай әлімжеттікке мойынұсынып отыра алмаймыз", – дейді Лавров. Dalainside-қа жеткен мәлімет бойынша Путин идеологтары Қазақстандағы ресейлік контенттің өрісі тарылып жатқанына алаңдаулы. Олар еліміздің орыстанған өңірлерінде ресейлік пропаганданың қанатын кеңге жаюды жоспарлап отыр. Бұл туралы әлі де айтамыз. Арнаға тіркеліп алыңыз👇 https://t.me/dalainside