Post #1252

⚡️Жаңа Қазақстан Жаңаөзенмен тіл табысты Астанаға шағым айта келген мұнайшылардың мәселесі шешімін табатын болды. Жұмыссыз қалғанына қапаланған 100 қаралы адам жоғарыға сөзін өткізіп, талабын тыңдатты. "Елден келген мұнайшылардың мәселесі бойынша құзырлы органдар және квазимемлекеттік мекемелермен ақпарат алмасып, жұмыс жасадық. Ортақ жұмыстың нәтижесінде жігіттер босап шықты, олардың сұрақтары келіссөздер арқылы шешілетін болады", - деп жазды бұл жайлы маңғыстаулық депутат Еділ Жаңбыршин. Осы митингтің басы-қасында жүрген белсенділер Жолмұрат Лұқпан мен Нұрсұлтан Нұрымұлы байыпты, сауатты сөйлеп отыр. Бұл күн Маңғыстау жұртының мәртебесін өсірді. Жаңаөзен жұрты демократия құндылықтарын, соның ішінде митинг мәдениетін жоғары деңгейде меңгергенін дәлелдеді. Астанада ұсталған жаңаөзендік мұнайшылардың басым бөлігі ертең ауылына қайтады. Келіссөзді жалғастыру үшін бесеуі қалады. Мұнайшылар аутсорсинг келісімшартының орнына, үш жылға еңбек шартын жасасып, демалысқа шығуға мүмкіндік беруді талап етіп отыр. Бұл - орынды талап. Әйтпесе аутсорсинг шартын желеу етіп, батыс өңіріндегі жеке компаниялар жұмысшымен ҚР Еңбек заңы аясында келісім жасамайтын болған. Яғни, заңды демалыс жоқ, оның ақысы төленбейді, кез-келген уақытта компенсация бермей жұмыстан шығара салады. Сол себепті, өңір адамдары өздерінің мемлекет қорғауында екенін сезінбей келеді. Dalainside жағдайды назарда ұстайды. Арнаға тіркеліп алыңыз👇 https://t.me/dalainside