Post #1442

💥«Қазақстан» шахтасындағы трагедия: директор бірер күн бұрын елден қашып кеткен... Сенімді дереккөздің айтуы бойынша, апаттан бірер күн бұрын «Қазақстан» шахтасының директоры елден кетіп қалған. Телефонын сөндіріп, ұжыммен тілдесуден бас тартқан, трагедияның мән-жайын білуге тырыспаған. DALA INSIDE-ды таңғалдырғаны ақпарат құралдары да атышулы директорды айналып өткен, оның аты-жөнін атағысы келмеген. Күмәнді ме, күмәнді... Бізге мәлім болғандай, шахта директоры Астана әуежайынан Стамбұлға ұшқан, әрі қарай Германияны бетке алған. Алып Боинг әуеге көтеріле сала шахта басшы да көзден бұл-бұл ұшқан. Ізім-ғайым жоғалған директорға іздеу салғандар онымен байланысқа шыға алмай әуре-сарсаңға түскен. Шахта басшысы мінген ұшақ Қазақстан – Түркия – Германия маршрутымен немістің Кельн-Бонн қаласына қонған. 17 тамыздағы қайғылы оқиғаның алдын алу, оны ауыздықтауға тырысу бірінші кезекте шахта басшысының мойнындағы шаруа еді. Германияға тартып тұрған «директор» шұғыл түрде елге оралуы былай тұрсын, қайтыс болғандардың отбасына көңіл де айтпаған. Шахтаны егжей-тегжейлі білетін адам шалғайда жүр, елге оралу оның ойына кіріп-шығар емес. Тергеу ісіне осы фактор қолбайлау болуда. Қайғылы оқиғадан бір күн бұрын «Қазақстан» шахтасында конвейерлі лента ауысқан болатын. DALA INSIDE-қа пікір білдірген «АрселорМитталТеміртау» компаниясы: «Лентаның ұзындығы 30 шақырымды құрады. Украина мен Ресейден сапа стандартына сай келетін өнімді ғана сатып аламыз. Әріптестеріміз уақыт тезінен өткен, сыналған, сенімді компаниялар» дейді. Бізге қызығы, шахта директоры қайда жоғалды? Неміс жерінде не істеп жүр? Кешегі оқиғадан кейін оның елге оралуы неғайбыл-ау... Бұл туралы әлі де айтамыз. Арнаға тіркелуді ұмытпаңыз👇 https://t.me/dalainside