Post #1448

🤕🏥Денсаулық сақтау министрлігі хайп қуып, далбаса тірліктермен айналыса бастады Қазақстанда медицина сапасы нашарлап, сауатсыз, диагноз қоя алмайтын дүбара дәрігерлер көбейіп жатқанда жауапты министрліктің бар назары мүлде басқа бағытқа ауып барады. Жалпы, министрліктің де, отандық медицинаның да деңгейін пандемия кезінде көрген болатынбыз. Мамандар сапасын көтеру, біліктілікті арттырудың орнына денсаумині энергетиктермен күреспек. Тиым сала салу оңай әрине. Министрлік айды аспанға шығарып, энергетик сусындарды жеткіншектерге қауіпті деп таба отырып, ал тиымды 21 жасқа дейін салмақ. Оны немен негіздегені түсініксіз. Дәйегі де жоқ. Осыған назар аударған журналист Полина Шиманская әлемде энергетиктерге тиым салынбағанын, тек санаттар бойынша шектеу барын жазады. Ал біздің еліміз бәріне тиым салып, шектеп тастауға құмар болып кетті. Депутаттар мен министрліктер бір-бірімен жарысуда. Энергетиктерден кейін қант қосылған кофе мен шәйға да кезек келерін ішіміз сезіп отыр. Тек тиым салуға жүрдек денсаумині контрабанда мен конрафакт мәселелерін бір сәт болса да ескерді ме екен деген ой келеді. Біз хайп қуған министрлік қадамын бақылап отырамыз. Арнамызға тіркеліп алыңыз👇 https://t.me/dalainside