Post #2125

⚡Умар Кремлевтің досы Қазақстандағы букмекерлік бизнесті бақылауға алды 2025 жылдың соңында Қазақстанда елдің букмекерлік нарығын бақылау үшін күрес аяқталды деп жазады, Агентство.Новости. Желтоқсан айында Парламент заң қабылдап, 30 желтоқсанда оны Президент Қасым-Жомарт Тоқаев қол қойып бекітті. Бұл заң букмекерлерді мемлекеттік Бірыңғай есепке алу жүйесімен (БЕАЖ/ЕСУ) жұмыс істеуге міндеттейді. Жүйенің идеясына емес, оның Ресейдегі ЦУПИС көшірмесі болатынына және Ресейдің технологиялық архитектурасын қолдануына отандық нарық ойыншылары мүлде қарсы болғаны еді. Олардың тәуекелдер мен қауіптер бойынша ескертулері мүлде құлаққа ілінген жоқ. БЕАЖ технологиялық мердігері ретінде Nomapay компаниясы таңдалған. Аталған компанияның құрылтайшысы өзін Ресей Президентінің Қауіпсіздік қызметінің басшысы Алексей Рубежнойдың досы, Умар Кремлевтің «бауырымын» деп атайды. 2025 жылдың қарашасында депутат Бақытжан Базарбек Мәжілістің заңнама жөніндегі комитет отырысынан екі бейнежазба жариялады. Бірінші видеода ол БЕАЖ-ді «тек ширма» деп атап, оның «ресейлік» Nomapay мүддесіне қызмет етіп отырғанын, ал оның артында Умар Кремлев тұрғанын айтты. Ал Қазақстанның Туризм және спорт министрлігінің шенеунігі енгізіліп жатқан жүйенің «біздің нарыққа бейімделген ресейлік өнім» екенін, оған құқықтарды мемлекет Nomapay-ден сатып алғанын растады. Nomapay туралы не белгілі? Компания 2024 жылдың 11 шілдесінде, заң бірінші оқылымда қабылданғаннан кейін бар болғаны үш күн өткен соң құрылған. Құрылтайшысы – қазақстандық спорт блогері Айтым Жақыпов, ал директоры – «Каспий» тауар биржасының бұрынғы президенті Эрик Танаев. Умар Кремлев пен Айтым Жақыпов бір-бірін «бауырмыз» деп атайды және бірге түрлі шараларға қатысады. Интерактивті ставкалар бойынша аударымдарды есепке алу орталығы (ЦУПИС) атты ресейлік жүйе 2016 жылдан бері жұмыс істейді. 2021 жылы бұл жүйе Умар Кремлевке жақын адамдардың бақылауына өтті деп жазған еді, «Проект» басылымы. Сол жылы ЦУПИС барлық букмекерлер үшін жалғыз әрі міндетті жүйе болып бекітілді. Ең өкініштісі, тура осы монополия енді Қазақстанда да орнап отыр. https://t.me/dalainside