Post #2130

🇰🇬Қырғызстан банктері мен қаржы жүйесі Қазақстанның орнын басуға дайын Себебі Қазақстанның санкцияда отырған ресейлік қаржы құрылымдарымен тоқтаусыз байланыса беруі қайталама санкциялар туғызуы мүмкін. Дәл сол кезде Қырғызстанның қаржы жүйесі Орталық Азия бойынша Қазақстанның орнын баса алады. Бішкектің белді басылымы 24.kg осылай деп жазып отыр. Сұр импорт, санкциялық ВТБ банкінің елде жұмыс істеуі, ресейлік ЦУПИС жүйесінің біздің букмекерлік нарыққа кіріп, Біріңғай есепке алу жүйесін (БЕАЖ) қолға алуы, әлдебір банктің 17 триллион теңгеге трансшекаралық аударымдар жасағанының барлығы елімізді санкция режиміндегі қызыл нүктеге айналдырып отыр. Осы ретте БЕАЖ жүйесінің ешқандай транзакциялық инфрақұрылымы дайын емес екенін, Ұлттық банктің ол бойынша әлі ешқандай жұмыстар бастамағанын айта кету керек. Қырғызстанда да ұқсас тәуекелдер байқалды. Сұр импорт мәселелері, кедендік статистикадағы айырмашылықтар және ресейлік қаржы/цифрлық шешімдердің кейбір элементтерін енгізу әрекеті болды. Бірақ ел кейбір механизмдерден бас тартып, ұлттық телекоммуникациялық операторды ұлттық бақылауға алу арқылы ақпараттық және қаржылық қауіпсіздікке бағытталған нақты қадамдар жасады. Сондай-ақ, кейбір банктерге салынған санкциялар банктік секторды Еуропа, Ұлыбритания және АҚШ талаптарына - AML/CFT рәсімдерін күшейтуге итермеледі. Қазір Қырғызстан Қазақстанға қайталама санкция салынса, бірден оның орнын басып, аймақтық жетекші қаржы және логистикалық интеграторға айналуға дайын.