Post #590

Біреуге ор қазба, өзің түсесің... Жаңа Қазақстанда шынымен әділдік бар. Бұйырса, жақын арада Сейітқазы Матаев пен Әсет Матаев толық ақталып, олардың досъесінен "сотталған" деген белгі түгел алынып тасталуға жақын. Жаңа ғана Бас прокуратура істі қайта қарау бойынша сотқа арыз түсірді деп жазды, осы істің адвокаты Жохар Өтебеков. Қазақстан журналистер одағын көп жылдан бері басқарған Сейітқазы ағамыз да, замандас досымыз, әріптесіміз, ҚазТаг-тың қазіргі бас директоры Әсет те олигархтық, кландық жүйенің, рейдерліктің бар езгісін бастан кешті. Сыбайлас жемқорлыққа қарсы агенттікті қолшоқпарына айналдырған кісі көпе-көрінеу жала жаптырып, істі қолдан құрап, қоғамның наразылығына қарамай, жемқорлыққа ешқашан қолын былғамаған ел азаматтарын соттатып жіберді. Сейітқазы аға өмірдің бар сынағына шыдады. Морт сынбады. Уақыт оның да, Әсеттің де жазықсыз екенін көрсетті. Айбар Олжаевтың фейсбук жазбасынан