Post #1454

🏭Қазақстанның Даму Банкінің алғашқы инвестициялық жобасы 🟩 Бүгін біз 2001 жылы ҚДБ қолдауына ие болған алғашқы жобаға тоқталуды жөн көрдік. 🟩АҚШ, Германия және Италияның жетекші машина жасау компанияларының жабдықтарымен жарақталған жүгеріні терең өңдеу арқылы крахмал сірнесін өндіретін зауыт құрылысы экономиканы әртараптандыру жөніндегі мемлекеттік бағдарлама аясында жүзеге асырылды. Бұл жоба бұған дейін шетелден импортталып келген кондитерлік өнеркәсіпке қажетті сірнеге деген ішкі сұранысты қамтамасыз етуге мүмкіндік берді. 🟩«Алтын Нан» ЖШС ҚДБ-дан 11 жыл мерзімге 13,9 млн АҚШ доллары көлемінде несие алды, 2007 жылғы ақпанда қарыз толық өтелді. 2003 жылы пайдалануға берілген зауыт сол кезеңде өндірістік қуатына шығып, тәулігіне 100 тонна жүгері дәнін өңдей бастады. 🟩 Бүгінде кешен (ұн тарту және құрама жем зауыттарымен қатар) «АзияАгроФуд» АҚ құрамына кіреді, ал оның өндірістік қуаты екі есеге артқан.