Post #1466

🤝ҚДБ мен «Qarmet» АҚ заманауи кокс батареялары кешенін салу жобасы бойынша несиелік желі ашу туралы келісімге қол қойды. 🏭Жылына 1,5 млн тонна кокс өндіруге есептелген жоба тозығы жеткен агрегаттардың орнына екі жаңа батарея салуды көздейді. 🔹 Бұл – дайын өнімнің өзіндік құнын төмендету және комбинаттың шикізаттық қауіпсіздігін қамтамасыз ету үшін аса маңызды қадам. 🔹 Сонымен қатар жаңа агрегаттар заманауи газтазарту жүйелерімен жабдықталады. Бұл өңірдегі ауа сапасын жақсартуға ықпал етеді. 🔹 Жобаның құны – $435 млн. ҚДБ қаржыландыруы – $337 млн-ға дейін. Қарыз 13 жыл мерзімге қытай юанімен беріледі. 🔹 Жобалаушы, жабдық жеткізуші әрі құрылыс-монтаж және іске қосу-баптау жұмыстарының мердігері ретінде Қытайдың Acre Coking & Refractory Engineering Consulting Corporation (Dalian), MCC корпорациясы тартылады. 🔹 Осылайша ҚДБ Qarmet-тің терең технологиялық жаңаруына серпін беріп отыр: жаңа қуаттар 2029 жылға қарай кокс импортына тәуелділіктен толық арылуға мүмкіндік береді.