Post #1485

📣ҚДБ Басқарма төрағасы Марат Елібаев XIII CFO Summit Kazakhstan саммитіне қатысты. Қаржы әлемінің көшбасшыларын тоғыстыратын бұл кәсіби алаңға 500-ден астам қатысушы жиналды. 🔹 Бизнес-панель барысында ҚДБ басшысы Банктің және «Бәйтерек» холдингінің инвестициялық саладағы қазіргі өзгерістерге қатысты ұстанымын, сондай-ақ қаржы институттарының экономиканың орнықты өсімін қамтамасыз етудегі рөлін таныстырды. 🔹 Баяндаманың өзегіне инвестицияға проактивті “тапсырыс” қағидаты алынды. Бұл тәсіл мемлекет пен қаржы институттарының экономиканың құрылымдық жаңаруына қажет жобалар тізбесін алдын ала айқындауын көздейді. 🔹 Сондай-ақ жаңа инвестициялық үлгідегі ҚДБ-ның орны, әрі екінші деңгейлі банктермен ықпалдастықтың маңызына ерекше назар аударылды. 🔹 Сөз соңында Марат Елібаев мемлекет, қаржы институттары және бизнес күш біріктірсе, елдің ұзақмерзімді экономикалық өсіміне және Қазақстанның инвестициялық тартымдылығын арттыруға берік негіз қаланатынын атап өтті. Толығырақ